Умид Аҳмаджонов Қорақалпоғистондаги спорт фестивалининг очилиш маросимида иштирок этди

Футболчилар Бердах Алланиязов, Қувват Тўраев, Неъметилла Қуттибоев, муайтайчи Эркинбой Қуттибоев, каратэчи Рустам Казаков, оғир атлетикачи Рустам Жангабаев, қиличбоз Зайнаб Дайибековалар шулар жумласидандир.Бугун ана шундай спорт юлдузларини тарбиялаган Қорақалпоғистондаги "Турон" стадионида катта спорт фестивалининг асосий тадбирлари бошланди. Унда Миллий олимпия қўмитаси Президенти Умид Аҳмаджонов ҳам иштирок этди ва сўзга чиқди."Миллий олимпия қўмитаси ва Ўзбекистон футбол ассоциацияси тарихда илк маротаба мактабгача таълим муассасаси билан ҳамкорликда иш бошламоқда. Авваллари бунақаси кузатилмаган. Мана, бугун бир қатор тадбирларда иштирок этиб, мактабгача таълим муассасаси тарбияланувчиларига Президентимиз совғаларини топширдик. Асосий мақсадимиз, уларда спортга бўлган қизиқишни ошириш. Умид қиламизки, келажакда улардан кучли спортчилар етишиб чиқади. Ким билади, балки бугун биз бўлажак футбол юлдузлари билан бир сафда тургандирмиз", - деди Умид Аҳмаджонов.

Тадбирнинг очилиш маросимида МОҚ раҳбари Қорақалпоғистон Республикаси Жўқорғи Кенгаши раиси Муса Ерниязовга эсдалик совғасини топширди.

Шу тариқа, фестивалнинг асосий қисмига старт берилди.

Суратлар муаллифи Хайрулла Холиқов