Зойир Мирзаевнинг ваъдаси, “Спарк” ютган мухлис. “Насаф” – “Андижон” учрашувидан мухлислар ГАЛЕРЕЯси

Қаршидаги очилиш ўйинига кутилганидек, вилоят ҳокими Зойир Мирзаев ташриф буюриб, нутқ сўзлади. Қашқадарё клублари “Машъал” ҳам, “Насаф” ҳам янги мавсумни яхши натижа билан бошлади. Жамоаларимиз бизга кўп нарсаларни ваъда қилишган. Ишонаманки , бу ваъдалар бажарилади ва клубларимиз бутун мавсум давомида кўнгилдагидек натижаларни қайд этиб боришади. Бугун 8 март, аёллар байрами. Агарда “Насаф”нинг қайси футболчиси бугун гол урса бу билан аёлини, онасини табриклаган бўлади. Совғаси эса ҳокимликдан бўлади", - деди Қашқадарё вилояти ҳоким Зойир Мирзаев.

Учрашувдан кейин вилоят ҳокими берган ваъдасининг устидан чиқди. Зойир Мирзаев кийиниш хонасида “насаф”чиларни ғалаба билан табриклар экан, гол урган футболчилар Бобир Абдихолиқов ва Шароф Муҳитдиновнинг волидалари учун кир ювиш машиналарини совға сифатида топширди.

Шунингдек шу куни мухлислар ҳам стадиондан қуруқ қўл билан қайтмади. Профессионал спорт агентлиги омадли мухлисни лоторея ўйинида аниқлади ва яккабоғлик ишқибозга “Спарк” автомобили топширилди.


Номоз Чориев
Фото: Абдилатиф Шодиев