Зоҳид Исмоилов: "Мухлисларсиз ғалабалар бизга татимайди"
06 мая 2018 22:05
Новости

Зоҳид Исмоилов: "Мухлисларсиз ғалабалар бизга татимайди"

ПРО-Лига 7-туридан ўрин олган “Ёзёвон”- “Зомин” (1:0) учрашувидан сўнг мезбонлар сафида энг яхши ўйинчи деб топилган Зоҳид Исмоилов “Championat.asia” сайтига интервью берди.

- Зоҳид, қийин ўтган учрашувда қозонилган ғалаба билан табриклаймиз. Бугунги учрашув ҳақида фикрларингиз қандай?
- Кутилганидек қийин ўйин бўлди. Биз жамоадошларим билан майдонда боримизни бериб ҳаракат қилдик. Беллашувларга бой тарзда ўтган учрашувда кўриб турганингиздек 1:0 ҳисобида ғалаба қозондик.

- Сиз ушбу учрашувда мезбонлар сафида энг яхши ўйинчи деб топилдингиз. Келажакдаги режаларингиз қандай?
- Мен ҳар доим ўз олдимга катта мақсадларни қўяман. Ҳозирги даражам билан тўхтаб қолмоқчи эмасман. Насиб қилса ўз ўйинларимни янада кучайтирган холда Суперлигада, масалан ўзимизнинг Фарғона вилоятидаги Суперлига иштирокчилари – "Нефтчи" ва "Қўқон-1912" клубларида ўйнаш ниятим бор. Бугунги учрашувда мухлислар доимгидек бизни қўллаб-қувватлаб туришди, мен “Ёзёвон” клуби мухлисларига шуни айтмоқчиманки, сизларсиз бизга ғалабалар татимайди, сиз азиз мухлислар учун биз футбол ўйнаймиз.

Бекзод Толибов ёзиб олди.