"Ювентус" - "Фиорентина" учрашувидан матнли трансляция

Чемпионлик учун асосий даъвогар ҳисобланган "Ювентус" Туринда "Фиорентина"ни қабул қилади. Бу жамоалар ўртасидаги биринчи даврада бўлиб ўтган ўйинни кўпчилик эсласа керак. Ўшанда "Фиорентина" 0:2 ҳисобида ортда бориб иккинчи бўлимда кетма-кет тўртта гол урганди. Ҳозирга қадар "Юве" чемпионатда бундан бошқа жамоага мағлуб бўлгани йўқ.

Конте шогирдлари биринчи даврадаги мағлубият учун реванш олишга уринишлари турган гап. Тўртинчи ўринда бораётган "Фиорентина" эса мавсумда икки бор "Ювентус"ни таслим қилишга ҳаракат қилади. Винченцо Монтелла шогирдлари Туринда қандай каромат кўрсатишар экан? Буни Тошкент вақти билан соат 16:30да бошланадиган ўйинда билиб оламиз.

Биринчи даврадаги ўйин:
ФИОРЕНТИНА - ЮВЕНТУС - 4:2 (0:2)
Голлар: Тевес, 37-с пенальти (0:1). Погба, 41 (0:2). Росси, 65-с пенальти (1:2). Росси, 76 (2:2). Хоакин, 78 (3:2). Росси, 81 (4:2).

Сайтимиз ушбу шиддатли кечиши кутилаётган баҳсдан матнли трансляция олиб боради. Биз билан қолинг.