RU

Последние новости

17:29Суперлигада қолиш учун қайси клублар кураш олиб бориши маълум  0 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  0 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   33 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  2 15:26Рафинья "Барселона"ни АПЛ клубига алмаштириши мумкин  3 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердега яна бир АПЛ даъвогари пайдо бўлди  4 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  6 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  5 10:34ЎзПФЛ "йил футболчиси" учун номзодларни 5 тагача қисқартирди  20 10:10Месси жаҳон рекордини янгилади  41 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  9

Йўлдошев — РПЛда ўз позициясининг энг яхшиларидан бири. Кучлироқ клубга ўтиш вақти келмадимикан? Новости

Йўлдошев — РПЛда ўз позициясининг энг яхшиларидан бири. Кучлироқ клубга ўтиш вақти келмадимикан?

Яқинда сайтимизда "Спартак" Иброҳимҳалил Йўлдошевга қизиқиш билдираётгани ҳақида хабар чоп этилганди.

Ўзбекистонлик ҳимоячига жиддий қизиқиш борлигини тушунган "Нижний Новгород" дарҳол футболчиси билан битим муддатини узайтирди. Иброҳимҳалилнинг янги шартномаси 2024/2025 йилги мавсум охиригача амал қилади. Бироқ Йўлдошев "Нижний Новгород" даражасидан анча ўсди ва ўзини кучлироқ жамоада синаб кўриши мумкин эди.

Россиялик журналист Николай Егоричев "сhampionat.аsia" учун махсус Иброҳимҳалил Йўлдошевнинг ўйинини ўрганиб, ўзбек футболчисининг истиқболига баҳо берди.


Кучли томонлари: тезлик, ҳужумга қўшилиш, дриблинг, тўп учун кураш

Йўлдошев — "замонавий" чап қанот ҳимоячиси. "Замонавий" сўзи остида маълум сифатларни тушуниш зарур. Яқин йилларда ҳам бундай сифатлар Йўлдошев позицияси вакили учун одатий эмасди. Иброҳимҳалил ўзининг бутун профессионал фаолияти давомида чап қанот ҳимоясида ҳаракатланди. Шу билан бирга, у рақиб дарвозаси яқинида яхшироқ ўйнашини таъкидлаш лозим. Келинг, Росссия чемпионатининг бошқа чап қанот ҳимоячилари билан унинг статистик кўрсаткичларини солиштириб кўрамиз.


Ўйинчи
Узатмалар сони
Муҳим узатмалар
Ҳаводан берилган паслар  
Зарбалар
Яккакураш (муваффақиятли)
Тўпни олиб қўйиш/илиб кетиш
Алдаб ўтишлар
Иброҳимҳалил Йўлдошев
32
0,44
1,78
0,3
15 (48%)
3,8/3,7
4,7
Айртон ("Спартак")
48
0,47
2,7
0,83
16 (56%)
4,3/4
4,9
Круговой ("Зенит")
37
1,16
2,6
0,5
7 (64%)
1,53/2
2,5
Скопинцев ("Динамо")
34
0,19
1,7
0,89
11 (49%)
2,5/3,6
4,2
Самошников ("Рубин")  
44
0,4
1,48
0,92
17 (62%)
7/6
3,7
Тикнизян ("Локомотив")
34
0,3
1,45
0,15
10 (59%)
2,1/4
2,5
Обляков (ЦСКА)
58
1,15
1,96
0,85
13 (56%)
3,8/4,9
2,2

* InStat маълумотларидан фойдаланилди, кўрсаткичлар — ҳар ўйин учун ўртача


Жадвалда кўриб турганимиздек, РПЛнинг етакчи клубларида тўп тепадиган ўйинчилардан Йўлдошевнинг ҳеч қандай кам жойи йўқ. Ҳаттоки, баъзи кўрсаткичларга кўра, у яхшироқ ҳам.

Иброҳимҳалил ҳар ўйинда узатмаларининг ўртача сони (32) кўзга кўринади. Бу юқоридаги футболчиларникидан кам, албатта. Аммо бу Йўлдошевнинг айби эмас, ахир "Нижний Новгород" асосан ҳимояда ўйнайди-ку! Жамоа ҳар ўйинда ўртача 354та пас берган — бу борада Россияда фақатгина "Уфа"да ёмонроқ натижа (348та).

Иброҳимҳалилнинг кескинлаштирувчи (шеригига зарба бериш) ва ҳаводан берадиган узатмалари кўрстаткичи ўртача. Шунга қарамай, Йўлдошев якка кураш, алдаб ўтиш, тўпни олиб қўйиш ва илиб кетиш бўйича РПЛда ўз позициясида энг яхшилардан бири ҳисобланади.

Ўзбекистонлик ҳимоячининг яна бир кучли жиҳати — тезлик. Умуман, Иброҳимҳалилнинг жисмоний ҳолати яхшилигидан тўп учун кураш ва ҳаводаги курашда ўзини қулай ҳис қилади. Бўйи пастроқ бўлишига қарамай (171 см), Йўлдошев иккинчи қаватдаги курашларнинг 1/3 қисмида устун келмоқда.


Кучсиз томонлари: ҳимоявий ўйин, зарбалар, ўнг оёқ билан ҳаракатланиш

Йўлдошевнинг заиф жиҳатларидан ҳимоядаги ҳаракатларини айтиш мумкин. Ҳа, унинг ҳар ўйиндаги кураш ва тўпни олиб қўйиш бўйича ўртача кўрсаткичлари яхши, лекин баъзида у ўз дарвозаси ёнида хатоларга йўл қўяди. InStat таҳлилий сайти маълумотига кўра, жорий мавсум Йўлдошевнинг 3та хатосидан кейин жамоаси гол қўйиб юборган.

Бундан ташқари, Иброҳимҳалил майдоннинг ўз жамоаси тарафида тўпни кўп олдириб қўяди (1,74). Бу натижа жадвалда келтирилган ўйинчиларникидан кўпроқ.

Шунингдек, Йўлдошевнинг яна бир суст томони ўнг оёқ билан ўйнаш ва рақиб дарвозасига зарба бериш. Иброҳимҳалил — ҳақиқий чапақай ўйинчи. Шунинг учун, камдан-кам ҳолларда ўнг оёқда ҳаракатланади ва қанотидан марказга деярли ўтмайди. Йўлдошевнинг зарбаларига аниқлик етишмайди. Иброҳимҳалил "Нижний Новгород" сафида атиги 1та гол урган ва у ҳам бўлса "Спартак" дарвозасига — бош билан зарбадан кейин.


Хулоса

Йўлдошев — ўз позициясида РПЛнинг энг яхши ҳимоячиларидан бири. У ҳақиқатдан ҳам "Нижний Новгород" даражасидан анча ўсди. Ўзини бошқа клубда синаб кўриши мумкин. Бироқ унинг ўйин услуби ҳамма жамоага ҳам тўғри келавермайди. Ўзбекистонлик футболчи рақиб дарвозаси ёнида яхшироқ ўйнайди ва 3та марказий ҳимоячи схемасида ўзини қулайроқ ҳис қилади. Шунда у ортида ўзини қўллайдиган, зонани керак бўлса ёпадиган футболчи борлигини билиб, ҳужумга бемалол қўшила олади.

Йўлдошев фаолиятини қаерда давом эттирмасин, ўз устида тинимсиз меҳнат қилиши зарур. Шу йўл билан профессионал жиҳатдан ўсиши ва янада ривожланиши мумкин. Ким билади дейсиз, эҳтимол у ҳам Шомуродовга ўхшаб Европа топ-чемпионатига йўл олар?!


Николай Егоричев "сhampionat.аsia" учун махсус

Рейтинг: +21   

Комментарии

championat.asia
< посмотреть последние новости
Яндекс.Метрика