Япон ОАВ: Чорак финалда Ўзбекистонга қарши ўйнамоқчимиз

Шаржадаги стадион медиа трибунасида 10 нафар япониялик жой олган. Яна шунчаси майдон атрофида футболчиларини суратга туширяпти.

"Ўтган йили Осиё чемпионати финалида сизникилар кутилмаганда биздан чемпионликни тортиб олишди. Аслида ўйинни бошидан келиб чиқиб биз Ўзбекистонни осонликча мағлубиятга учрата оламиз деб ўйлаган эдик. Афсуски иш пенальтилар сериясигача етиб борди ва биз унда мағлубиятга учрадик. Агар иккимиз бугун ғалаба қозонадиган бўлсак, 1/4 финалда тўқнаш келамиз. Бу реванш матчи бўлади. Унда албатта ютишимиз керак", дейди япониялик ҳамкасбимиз.

Айни пайтда учрашувнинг биринчи бўлими якунига етай деб қолди. Ҳозирча Швеция ўсмирлари 2:0 ҳисобида олдинда боряптилар.