Херардо Мартино: “Месси ёрдамга айни вақтида етиб келди”

“Биринчи бўлимда ҳужумларимизни ижобий якунловчи ўйинчи топилмади. Тўп майдонда тезроқ ҳаракатланиши керак эди, аммо бу вазиятда ўйинчиларимизга чаққонлик етишмади.

Лекин охир оқибат ҳисобни очишга эришдик. Бу вазиятда Месси айни керакли вақтда ёрдамга етиб келди. У эркин зоналардан қандай фойдаланишни жуда яхши билади. Унинг голли тўп узатишлари санъат асарининг ўзи эди.

Ўйинда таркибни майдон бўйлаб тўғри жойлаштира олишга ҳам кўп нарса боғлиқ. Баъзилар 90 дақиқа ажойиб ўйин кўрсатишса, баъзилар 15 дақиқа атрофида ўйнай олишади. Бугун Тельо ўйинни яхши ўтказди, бу жамоа учун ҳам унинг ўзи учун ҳам муҳим. Унинг ўзига бўлган ишончи орта бораяпти”, - дейди Мартино.