Харт: "Манчестер Сити"да иложи борича кўпроқ қолмоқчиман"
12 дек 2014 13:48
Новости

Харт: "Манчестер Сити"да иложи борича кўпроқ қолмоқчиман"

"Манчестер Сити" билан янги шартнома имзолаш арафасида турган, Англия терма жамоаси дарвозабони Жо Хартнинг таъкидлашича, у амалдаги мамлакат чемпионлари сафида иложи борича кўроқ қолмоқчи.

27 ёшли дарвозабоннинг "Сити" билан шартномаси 2015 йилнинг 30 июнигача амал қилади. "Шаҳарликлар" Харт билан янги битим имзолашга яқин турибди.

"Қандай қилиб бу ерда бахтсизман дейишим мумкин? Мен бу клубни севаман. "Сити" мени жамоам эканлигини ҳис қилиб турибман ва бу ерда иложи борича кўпроқ қолмоқчиман.

Шартнома шартлари ўзгариши кераклигини биламан. Аммо бу саволларни агент ҳал қилади. Бу клубда бахтлиман ва тез орада жамоа билан янги битим имзолайман деб умид қиламан" - дейди Харт.

Харт 2006 йилда "Шрусберидан" "Манчестер Сити"га 600 минг фунт эвазига кўчиб ўтган. Ҳозирги кунда унинг трансфер баҳоси 14 млн фунт.

Дарвозабон "Манчестер Сити"да икки бор миллий чемпионатни (2011/12, 2013/14) ва бир мартадан Англия Кубоги (2011), Англия Суперкубоги (2012) ва Англия лига Кубогини (2014) қўлга киритган.

Ссылка :

Источник : championat.com

Получайте новости прямо в Telegram!

Рейтинг: