"Водий футболи". Бугун ёшлар лигасидаги ўйинлар бўлади

"Андижон": Иброҳим Отахонов "Машъал"га қарши ўйинни ўтказиб юборади

"Бургутлар" олий лиганинг 17-турини ўз майдонида "Машъал"ни қабул қилади. Учрашувда ҳимоячи Иброҳим Отахонов иштирок эта олмайди. Сабаби футболчи ўтган турда мавсумдаги тўртинчи огоҳлантиришини олди.

Бугун ёшлар жамоалари ўртасидаги баҳс соат 17:30да бошланади.


"Нефтчи": "Локомотив"га қарши ўйинга тайёргарлик давом этмоқда

Фарғонанинг "Нефтчи" клуби эртага Тошкентнинг "Локомотив" клубини қабул қилади. Ушбу ўйин Мурод Исмоилов бошчилигидаги жамоа учун жуда муҳим ҳисобланади. Фарғоналиклар ўтган турда Ғузорда учралган йирик мағлубият тасодиф эканини исботлашлари керак.

"Нефтчи" ва "Локомотив" ёшлари ўртасидаги баҳс бугун 17:30да старт олади.


"Навбаҳор": Эртага Бекободда "Металлург" билан ўйнаймиз

Наманганнинг "Навбаҳор" клуби 17-турни Бекободда "Металлург"га қарши ўтказади. Дастлабки даврада Наманганда бўлиб ўтган баҳсда 2:2 ҳисоби қайд этилганди.

Ёшлар ўртасидаги баҳс бугун соат 17:30да бошланади.


"Қўқон-1912": "Пахтакор"га қарши ўйин 19:00да бошланади

Бугун "Қўқон-1912" клубнинг матбуот хизмати бўлими вакили Анваржон Охуновнинг туғилган куни. Қўқон футболининг жонкуяр инсонларидан бири бўлмиш - Анваржон ака бугун 61 ёшга тўлди. Шу муносабат билан у кишини клубимиз раҳбарияти, мураббийлар штаби, футболчилар, клуб ходимлари ва футбол мухлислари номидан чин юракдан табриклаймиз. У кишига сиҳат-саломатлик, келгуси ишларига омад тилаб қоламиз.

Олий лиганинг 17-туридан ўрин олган "Пахтакор" - "Қўқон-1912" учрашуви 8 август куни 19:00да бошланади.