Водий биринчилиги ғолиби аниқланди
27 апр 2017 12:39
Новости

Водий биринчилиги ғолиби аниқланди

Теги : Водий

Аввал хабар бериб ўтганимиздек, Фарғонада мини-футбол бўйича водий биринчилиги мусобақаси бўлиб ўтди.

Фарғона вилояти мини-футбол ассоциацияси томонидан ташкил этилган мазкур турнирда водийнинг 11 та жамоаси иштирок этди. Ҳар якшанба кунлари ўтказилган ўйинларда Фарғона, Андижон, Наманган, Марғилон шаҳридан иккитадан жамоа, Олтиариқ ва Риштон туманидан биттадан жамоа, шунингдек, “Нефтчи” ёшларидан ташкил топган жамоалар қатнашишди.

Мусобақанинг финал учрашувида Андижоннинг “КФК Андижон” ва Марғилон шаҳри жамоалари тўқнаш келишди.

Ҳал қилувчи баҳс кутилганидек муросасиз кураш остида ўтди. Ўйнда рақибига нисбатан бироз устунлик қилган андижонликлар 3:2 ҳисобида ғалаба қозонишди ва бош соврин эгасига айланишди.

А. Деҳқонов.

Ссылка :

Источник : kokand1912.uz

Получайте новости прямо в Telegram!

Рейтинг: +1