RU

Последние новости

02:02Валижон Раҳимов: "Андижон" ўз ўйинини топиб олади"  2 01:50Жавоҳир Сиддиқов: "Насаф" доимий соврин ютмоқда, бу ҳам ёқимли ҳолат"  2 01:32Илҳом Абдуғаниев: "Биргина пенальти барчасини ҳал қилди"  1 01:10Максим Шацких: "Насаф"дан қўрққанимиз йўқ. Истасангиз мени Хави деб атанг, менга фарқи йўқ"  5 00:42Усмонали Исмоналиев: "Иккинчи бўлимда ҳакамлар қандай ишлаганини тушунмадик. Пенальти йўқ эди"  16 00:27Рўзиқул Бердиев: "Биз Суперкубок ва Кубокда хет-трик қилибмиз-ку. Роналду катта эҳтимол билан бизни сотиб олса керак, биз уни эмас"  5 00:14Расман: "Барселона" ва Ямал шартномани узайтирди  2 23:44Абдувоҳид Неъматов: "Кимдир имконият берганида балки, пенальтини тепган бўлардим"  1 23:30Ўзбекистон Суперкубоги. "Насаф" - "Андижон" 1:0  0 23:15Бектемир Абдуманнонов: "Омад биз томонда бўлмади"  7 22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  12 22:24Ҳусайн Норчаев: "Совринни ота-онамга бағишлайман"  8 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  239 20:51Симоне Инзаги "Олтин тўп"ни ким олиши кераклигини айтди  10

Виталий Левченко: "Нефтчи" тарихида ўзбек футболи афсоналаридан бири Юрий Вазгенович Саркисяннинг алоҳида ўрни бор" Новости

Виталий Левченко: "Нефтчи" тарихида ўзбек футболи афсоналаридан бири Юрий Вазгенович Саркисяннинг алоҳида ўрни бор"

Маълумки, "Нефтчи"ни оғир аҳволдан чиқариб, илгариги шаҳдам қадамларини тиклаш мақсадида жамоа раҳбарияти янгиланди.

Тожикистон футболида масъул вазифаларда ишлаб, жамоатчилик орасида иззат-ҳурмат ва обрў-эътибор қозонган Виталий Григорьевич Левченко "Нефтчи" жамоасининг бош мураббийи этиб тайинланди. Биз унга қатор саволлар билан мурожаат қилдик. 

Сиз ўзбек футболи ва "Нефтчи" клуби ҳақида қандай тасаввурга эгасиз? 

- Ўзбекистонда футбол яхши ривожланмоқда. Барча жамоалар ўз имкониятига қараб яхши шаклланган. Шу боис, натижалар қандай бўлишини олдиндан айтиш қийин. Ўзбек футболчилари ўз мамлакатидагина эмас, балки Осиё давлатларида ҳам ўз имкониятларини намойиш этиб келмоқдалар. "Нефтчи" жасоасида малакали ўйинчилар етарли, лекин бунинг амалий натижаси сезилмаяпти. Мураббийлар штаби ана шу масалалар билан жиддий шуғулланиши керак. "Нефтчи" бой тарих ва анъаналарга эга. Биз ҳаммамиз ҳамкорликда ана шу анъана ва обрўни тиклашимиз лозим. Клуб тарихида ўзбек футболи афсоналаридан бири Юрий Вазгенович Саркисяннинг алоҳида ўрни бор. Мен уни жамоанинг Фарғонадаги учрашувларидан бирига таклиф этиб, қилган самарали меҳнатлари учун чин юракдан миннатдорлик билдириб, яхшиликка-яхшилик билан эъзозлаш ташаббуси билан чиқмоқчиман. 

- Сиз келгунингизга қадар жамоа чемпионатнинг биринчи даврасини 13-ўринда якунлади. Ана шу оғир аҳволдан чиқиш йўли нимадан иборат деб ўйлайсиз? 

- Бизда иккинчи даврага тайёргарлик режаси мавжуд. Биз бу режаларни тўла амалга ошириш учун жиддий масъулият билан иш олиб боришимиз керак. 

- "Нефтчи"нинг миллий чемпионатдаги беллашувларига назар ташлаганмисиз?

- Менда жамоамиз ҳақида айрим ахборотлар бор. Лекин эндиликда нима иш билан шуғулланиш ва қайси позицияни кучайтириш лозимлиги ҳақида жиддий бош қотиришимиз зарур. 

- Айни пайтда клубда 3 нафар легионер бор. Жамоани кучайтириш учун уларни 5 нафарга етказиш керак. Сиз бу ҳақда ўйлаб кўрдингизми? 

- Биз бу масалани чуқур ўйлаб, ҳал қиламиз. Жамоани тубдан яхшилаш учун масъулиятни чуқур ҳис этадиган малакали футболчилар керак. 

- Ўзбек клубларида фаол ўйнаётган тожикистонлик йигитлар кўп. Янги мураббий сифатида жамоага уларни таклиф этиш ниятингиз борми?

- Қўлида Тожикистон паспорти бўлган футболчини жамоага таклиф этишда ҳеч қандай мантиқ йуқ. Бизга олдимиздаги вазифани яхши тушунадиган ва майдонда масъулиятни чуқур ҳис этиб, ҳаракат қиладиган маҳоратли футболчилар керак. Улар маҳаллий шароитни ва миллий анъаналарни яхши билишлари ва доимо юксак марраларга интилишлари керак. 

- Мураббийлар штабини шакллантириш учун ўзингиз билан ишлаган ёки сиз яхши биладиган мутахассисларни таклиф этасизми?

- Ҳа. Жалб этилган мутахассислар талаб ва масъулиятни юракдан ҳис этиб, юксак марраларни эгаллаш учун бутун вужуди билан олдинга интилиши даркор. Бизнинг ҳаракатимиз швейцария соати каби аниқ ва бехато бўлиши керак. 

- Жамоа қачон иккинчи давра учрашувларига тайёргарликни бошлайди?

- Белгиланган режа асосида 7 июль куни иш бошлаймиз. 

Клуб мухлислари ҳақида қандай фикрдасиз?

- Фарғоналик футбол ишқибозлари ўз жамоаларига меҳр ва садоқатларини азал-азалдан намойиш этиб келишмоқда. Уларнинг жамоамизга ҳурмат ва эҳтироми "Нефтчи" юксак чўққиларига кўтарилган йилларда жуда баланд эди. Биз ўша эҳтиросларни қайтариш учун "Нефтчи"нинг азалий ғолибона юришларини тиклашимиз ва ўзбек футболида ўз ўрнимиз ва мавқеимизга эга бўлишимиз керак. Шунга интиламиз. 

- Яқинда ишга келган сербиялик мутахассис Милан Чирич ҳақида нима дея оласиз? 

- У янгиланган мураббийлар штабида биз билан бирга ишлайди. 

"Нефтчи" матбуот хизмати

Рейтинг: +24   

Похожие новости

Комментарии

championat.asia
< посмотреть последние новости
Яндекс.Метрика