“Вест Хэм” иккинчи бор “Марсел”нинг Пайе бўйича таклифини рад этди
17 янв 2017 00:45
Новости

“Вест Хэм” иккинчи бор “Марсел”нинг Пайе бўйича таклифини рад этди

“Вест Хэм Юнайтед” клуби раҳбарияти Франциянинг “Марсель” жамоаси билан ярим ҳимоячи Димитри Пайенинг трансфери бўйича келиша олмади.

Томонлар Лондон шаҳрида музокара ўтказишди. Лекин бу сафар ҳам фикрлар бир жойдан чиқмади. Бу ҳақда Британиянинг Sky Sports нашри хабар бермоқда.

Манбанинг хабарига кўра, “Марсель” Пайе учун 20 млн фунт стерлинг (тахминан 23 млн евро) таклиф қилган. Лекин яна рад жавобини олган. Француз клубининг бундан аввалги таклифи 19,1 млн фунт бўлганди.

Аввалроқ, инглиз клубининг Франция терма жамоаси футболчисини 30 млн фунт стерлинг (34 млн евро) эвазига сотишга тайёр эканлиги ҳақидаги хабарлар пайдо бўлганди.

Ссылка :

Источник : Sky Sports

Получайте новости прямо в Telegram!

Рейтинг: +5