U-17 жаҳон чемпионати. Осиёнинг учта жамоаси 3-турни ғалаба билан якунлади
03 ноя 2019 10:19
Новости

U-17 жаҳон чемпионати. Осиёнинг учта жамоаси 3-турни ғалаба билан якунлади

Хабарингиз бор, шу кунларда Бразилияда навбатдаги U-17 жаҳон чемпионати бўлиб ўтяпти.

ОФК номидан мусобақада иштирок этаётган Осиёнинг тўрт жамоасидан учтаси гуруҳдаги охирги турни ўтказиб, ҳар учаласи ғалаба қозонди. Хусусан Австралия Нигерияга қарши баҳсда 2:1 ҳисобида зафар қучди. Жанубий Корея ўсмирлар терма жамоаси худди шу ҳисоб билан Чилини мағлуб этди. Япония эса Нишикаванинг ягона голи туфайли охирги турда Сенегалдан 1:0 ҳисобида устун келди.

Шундай қилиб Япония U-17 терма жамоаси ўз гуруҳида биринчи ўринни эгаллаб кейинги босқичга йўл олди. Жанубий Корея 6 очко тўплаб иккинчи ўрин билан гуруҳдан чиқди. Австралия ҳисобида 4 очко бор энг яхши учинчи ўрин эгалари қаторида биринчи ўринда боряпти ва бу жамоани ҳам кейинги босқичга чиқди деса бўлади. Чунки бошқалар 3 очкодан тўплаган.

Бугун тунда Тошкент вақти билан 01:00да Тожикистон 3-турни ўтказади. Ён қўшниларимиз Аргентинага қарши баҳс олиб боришади. Ҳозирча Тожикистон ҳисобида 3 очко бор.

Ссылка :

Источник : championat.asia

Получайте новости прямо в Telegram!

Рейтинг: +14