"Тоттенхэм" футболчиси терма жамоамиз автобусида нималар деганди? Икром Алибоев жавоб берди
02 июн 2021 13:54
Новости

"Тоттенхэм" футболчиси терма жамоамиз автобусида нималар деганди? Икром Алибоев жавоб берди

Ўзбекистон миллий терма жамоаси бугун тунда тўлиқ таркиб билан Саудия Арабистонига етиб борди.

Саудия Арабистонига йўл олишдан олдин ЎФА матбуот хизмати БААдаги йиғин давомида келиб қўшилган Икром Алибоев билан интервью ташкил қилди. Ҳусусан интервьюнинг дастлабки қисмида футболчи 2018 йил Жакартадаги Осиё ўйинлари чорак финалидан ўрин олган Жанубий Корея билан ўйиндан кейинги қизиқарли воқеалардан бирини айтиб берди.

"Жанубий Корея билан ўйиндан сўнг Сон Хён Мин автобусимизга чиққани рост. Ўзининг миннатдорчилигини билдирди, барчага раҳмат айтиб кейинги ўйинларда омад тилади. Қайсидир маънода у хурсанд эди. Чунки ютқазиб қўйганида мажбурий ҳарбий хизматга йўл оларди. Корея қонунларига кўра ҳар қандай фуқаро икки йиллик ҳарбий хизматни ўташи шарт",- дейди Алибоев ЎФА матбуот хизматига.

Мазкур учрашувдан сўнг Жанубий Корея матбуотида Икром Алибоев Кореяни кўмиб қўйди, деган мақолалар чиққан эди. Бундан ярим ҳимоячимизнинг хабари бўлганми?

"Сеул" жамоасига ўтганимдан сўнг бундан хабар топдим. Мухбирлар томонидан ўша турнир бўйича кўп саволлар берилганди. Ҳали ҳамон бу борада жамоадошларим кўп бор сўраб туришади",- дейди Икром Алибоев ЎФА матбуот хизматига.

Ссылка :

Источник : championat.asia

Получайте новости прямо в Telegram!

Рейтинг: +13