Томас Мюллер МЛСнинг "Ванкувер Уайткепс" клуби билан фаол музокаралар олиб бормоқда

Бу ҳақда журналист Бен Жейкобс Х ижтимоий тармоғида маълум қилди.

Манбага кўра, 35 ёшли хавбекка "Синсиннати" ҳам қизиқиш билдирмоқда. Аммо, Мюллер учун айнан "Ванкувер Уайткепс" ҳозирча энг реал вариант бўлиб турибди.

35 ёшли ҳужумчи 2025 йилнинг ёзида клублар ўртасидаги жаҳон чемпионати якунлангач, "Бавария"ни тарк этганди. Мюллер мюнхенликлар сафида барча мусобақаларда жами 756 та ўйин ўтказиб, 250 та гол ва 276 та голли узатмани амалга оширган. Мюллер "Бавария" сафида 33 та совринни қўлга киритган, шу жумладан икки марта Чемпионлар Лигасида ғолиб чиққан. Шунингдек, германиялик футболчи 2014 йилги жаҳон чемпиони ҳисобланади.