Тома Табатадзе: “Навбаҳор” жорий мавсумда ўзи қатнашадиган барча мусобақаларда зафар қучишни мақсад қилган”

"Бежизга бўлажак баҳс “Йил ўйини” дея таърифланмаяпти. Боиси, ҳар икки жамоа жорий мавсумда ўз олдига юксак мақсадлар қўйган ва айни пайтда “Навбаҳор” турнир пешқадами бўлса, “Пахтакор” амалдаги чемпион.

Бундан ташқари, ўтган турдаги учрашувда ҳар икки жамоа ҳам муҳим очколарни йўқотди.Биз Бекободдаги ўйиннинг ҳакам томонидан қўшиб берилган вақтида ўз дарвозамиздан тўп ўтказиб юбориб, ғалабани қўлдан чиқарган бўлсак, “шерлар” ўз майдонида “Нефтчи”дан мағлубиятга учради.

Шу боис, бўлажак баҳснинг аҳамияти ҳар икки жамоа учун юқори.

Таъкидлаганимдек, ўтган турда мухлисларни ранжитиб қўйгандик. “Пахтакор”га қарши кечадиган баҳсда майдонга ғалаба иштиёқида тушиб, зафар қучиб, ишқибозларга қувонч улашамиз, деган умиддаман.

Бўлажак ўйиндаги ғалаба совринли ўринлар учун кураш йўлидаги рақобатчиларимиздан очколар бўйича ўзиб кетиб, пешқадамлик мавқемизни янада мустаҳкамлашга ёрдам беради.         

Умуман олганда, мазкур баҳснинг кескин курашлар остида, шиддатли, томошабоп ва қизиқарли тарзда кечиши эҳтимоли юқори.

Мухлисларимизнинг стадиондан уйларига яхши кайфиятда қайтишларини таъминлаш учун барча имкониятимизни ишга соламиз.   

“Навбаҳор” жорий мавсумда ўзи қатнашадиган барча мусобақаларда зафар қучишни мақсад қилган.   

Буни амалга ошириш учун эса биз – футболчилар қўлдан келганича ҳаракат қиламиз", деди грузиялик ҳужумчи.

Эслатиб ўтамиз, "Навбаҳор" — "Пахтакор" учрашуви 10 август куни соат 20:00 да старт олади.

"Тома Табатадзе ваъдасини бажаради. Жамоани ярим йўлда қолдирмайман" — севимли футболчиси шарафига фамилиясини "ўзгартирган", "қирол" лақабини олган ҳамда "Навбаҳор" сафида гол урган грузиялик легионер билан яқиндан танишамиз