Тоҳир Кападзе: "М.Исмоилов мураббийлар штабида фаолиятини давом этади"

Қисқа таътилдан кейин клубда ўтказилган мажлисда бу масалага ҳам ойдинлик киритилди. “Нефтчи” клуби раиси -  Тоҳир Кападзе  бош мураббий масаласи хақида шундай деди:

ТОҲИР КАПАДЗЕ:  Бош мураббий бўлиш жуда ҳам катта маъсулият ва жавобгарликни талаб қилади. Жамоанинг ўйинига барча клуб аъзолари ўз ҳиссасини қўшгани билан, маълумки, натижага энг аввало бош мураббий жавоб беради. Иккинчи даврадаги 5та ўйиндан 4таси жамоамиз учун мағлубият билан якунланди. Энг авваламбор, бундай натижа раҳбарият ва мухлисларни қониқтирмагани табиий ҳол. Қолаверса, Мурод Исмоилов ҳам соғлиғининг ёмонлашгани боис, учрашувларда тўлақонлик билан иштирок этаолмаётганини иноботга олиб,  ўз хоҳишига кўра бош мураббийлик лавозимидан бўшаш, лекин, жамоада мураббий сифатида ишлашни давом этиши хақида ариза ёзган. Ўзаро келишилган ҳолда Андрей Фёдоров билан ўринларини алмаштиришга қарор қилдик. Яна бир марта таъкидлаб ўтаман, бу қарорга барча томонларнинг розилиги билан келишилди. Биз учун энг муҳими жамоани ўйин пайти мураббийлар штабидан ким бошқариши эмас, балким ғалаба қозонишдир. Шунинг учун ҳам мавсум охиригача бош мураббий вазифасини бажарувчи бўлиб, А.Фёдоров фаолият кўрсатади.