Тевес бутсаларини қачон михга осишини айтди
14 мая 2018 23:42
Новости

Тевес бутсаларини қачон михга осишини айтди

Аргентина терма жамоаси ҳамда “Манчестер Юнайтед”, “Манчестер Сити” клубларининг собиқ ҳужумчиси Карлос Тевес фаолиятини қачон якунлашини маълум қилди.

Ҳозирда Тевес Аргентинанинг машҳур “Бока Хуниорс” клуби шарафини ҳимоя қиляпти. У айнан “Бока” билан амалдаги шартномаси якунланиши ҳамоноқ профессионал футболчилик фаолиятини тугатади.

“Фаолиятимни айнан “Бока Хуниорс”ада якунлашни хоҳлайман. Бошқа клубга ўтмайман. Кейин нима қилмоқчиман? Аниқ футбол агенти ёки директор бўлмайман. Бунинг учун тайёргарлик кўриш керак”, – деди Тевес.

Маълумот учун, Карлос Тевеснинг “Бока Хуниорс” билан амалдаги шартномаси 2019 йилнинг 31 декабрь куни якунланади.