Тенгиз Кобиашвили Андижонга келди

2008 йили “Андижон” сафида ишончли ўйинлари билан маҳаллий мухлисларнинг олқишига сазовар бўлган Кобиашвили Ўзбекистонга келиб, дастлаб айни пайтда “Пахтакор” клубини бошқараётган дўсти Шота Арвеладзе билан бирга бўлди ва ундан мураббийлик бўйича ўзига яраша тажриба олди. Сўнгра Кобиашвили Андижонга сафар уюштирди. У ерда собиқ футболчини андижонлик ашаддий мухлислар илиқ кутиб олди ва ўз даврининг етук ҳужумчиларидан бири бўлган Бахтиёр Ҳамидуллаев билан учраштириб, меҳмондўстлик кўрсатишди.

Кеча ПРО-Лиганинг 5-туридан ўрин олган “Андижон” – “Шўртан” ўйинини Кобиашвили андижонлик собиқ футболчи Бахтиёр Ҳамидуллаев ҳамроҳлигида бирга кузатиб борди. Учрашувдан сўнг Тенгиз яна Тошкентга қайтиб кетди.