Тарибо Уэст: “Мен Мальдинидан зўр эдим”

Собиқ футболчининг айтишича, у италиялик бўлмагани учун ҳам “Милан” таркибида атиги тўртта ўйинда майдонга тушган экан. 

“Мен ўйнаган пайтда марказий ҳимояда уч нафар номзод бор эди, - дейди Тарибо Уэст. - Лекин мураббий доим мен қолиб Мальдинини танларди. Чунки у италиялик бўлгани учун ҳам асосий таркибда ўйнаши керак эди. Ваҳоланки, мен Мальдинидан кучли эдим”.

“2000 йил Африка Миллатлар Кубогида Нигерия термаси билан олтин медалларни қўлга киритгач, Италияга қайтганимда Мальдини жароҳат олган экан. Менга фақат шундагина ўйнаш имкони берилди, лекин унчалик кўп эмас. Мальдини тузалганидан сўнг яна ўйнай бошлади, чунки у жамоанинг мисоли “чўқинтирган отаси” эди. Мен “Милан” сафида атиги тўртта ўйин ўтказган бўлсам-да, ҳар бир баҳснинг энг яхши футболчиси деб топилганман. Шунга қарамай, шартномам янгиланмади. Ўшанда бу ҳақда “Интер” президенти Массимо Мораттига айтганимда, у мийиғида кулиб “Милан”да доим шунақа қилишади деб қўйганди”.