Сурия - Ўзбекистон "Instat" таҳлилида
25 мар 2017 17:16
Новости

Сурия - Ўзбекистон "Instat" таҳлилида

Жаҳон футболида етакчилик қилаётган "Instat" ташкилоти Сурия - Ўзбекистон миллий терма жамоалари ўртасида бўлиб ўтган учрашув таҳлилини сайтимизга тақдим этди.

Россиянинг мазкур компанияси ҳар бир ўйинни чуқур таҳлил қилиб уни федерацияларга тақдим этади.

Демак, Сурия - Ўзбекистон миллий терма жамоалари ўртасидаги баҳс маълумотлари қуйидагича кўриниш олган.

Даставвал қисқа статистик маълумотни эътиборингизга тақдим этамиз.

90 ДАҚИҚА ИЧИДА	Сурия	Ўзбекистон
Гол	1	0
Зарбалар	15	10
Дарвозага	3	2
Сариқ	4	2
Офсайд	4	4
Дарвозабонлар сейви	0	1
Аут	27	31
Бурчак зарбаси	3	4
ТТҲ	782/560 (фойдали)	830/594 (фойдали)
Якка кураш	185/97 (фойдали) 52%	185/88 (фойдали) 48%
Ҳужум қилиш тезлиги	16.54	17.4
Аниқ тўп узатиш тезлиги	12.1	14.72

Кўриб турганингиздек, техник, тактик ҳаракат (ТТҲ) бўйича рақибдан устунлик қилганмиз. Ўйиндаги тезкорлик ҳам Ўзбекистон миллий терма жамоаси фойдасига, ҳужум қилиш тезлиги ҳам. Фақат голни биз эмас рақибларимиз уришди.

Аммо якка курашлардаги устунлик Сурия терма жамоасининг фойдасига.

Статистика ҳужумларнинг сони бўйича ҳам Ўзбекистонни устунлигини кўрсатади. Аммо ҳужум қила туриб якунловчи зарбани бериш борасидаги устунлик рақиб фойдасига.

ҲУЖУМ	Сурия	Ўзбекистон
Ҳужумлар	95	107
Тезкор ҳужум	16	20
Позицион ҳужум	69	74
Стандартдан	10	13
Чап қанотдан	29	38
Марказдан	23	22
Ўнг қанотдан	33	34
ЯКУНЛОВЧИ ҲУЖУМ	Сурия	Ўзбекистон
Ҳужумлар зарба билан	13	10
Тезкор ҳужум	1	0
Позицион ҳужум	8	5
Стандартдан	4	6
Чап қанотдан	5	3
Марказдан	2	2
Ўнг қанотдан	2	0

Сурия терма жамоаси Малайзияда бизникилардан аввал бориб ҳавога мослашганликлари уларга қўл келди. Кечаги мағлубиятга ҳавони баҳона қилмаймиз, аммо бизникиларни ўйин охирида холсизланишига сабаб ҳам шу аслида (мураббийнинг тактикасидан ташқари).

0-15 дақиқа	15-30 дақиқа	30-45 дақиқа	45-60 дақиқа	60-75 дақиқа	75-90 дақиқа
45-55	43-57	50-50	50-50	67-33	51-49
51-49 Сурия терма жамоаси фойдасига

Ўзбекистон миллий терма жамоаси 30-дақиқагача тўп билан назорат қилишда устунликка эришган. 60-дақиқадан кейин Сурия катта фарқ билан олдинга ўтиб кетган, 67-33. Сўнгги 15-дақиқада фарқ катта бўлмаган. Ўйинни тўлиқ ҳисобидаги фоизлар кўрсатгичи 51-49%, устунлик Сурияда. 60-75 дақиқа оралиғидаги ўйин темпи олий лигамизнинг ўзгинаси.

"Instat Index" бўйича Суриянинг 9 нафар футболчиси ТТҲ бўйича 200талик кўрсатгичидан ўтган. Ўзбекистондан бор йўғи уч нафар футболчи шундай кўрсатгичга эришди.

Футболчи	Instat Index	Футболчи	Instat Index
Алма	231	Лобанов	228
Ал Ажан	239	Тўхтахўжаев	192
Ал Солиҳ	206	Исмоилов	209
Ал Мидани	217	Кримец	197
Женят	225	Хошимов	190
Ал Мобайед	237	Ҳайдаров	213
Хож Муҳаммад	190	Аҳмедов	197
Юсуф	221	Машарипов	180
Ал Мавас	195	Бикмаев	199
Мардикян	199	Абдухолиқов	193
Харбин	240	Жепаров	198
Ал Накдали	198	Шомуродов	177
Ал Жафал	182	Сергеев	197
Ал Хатиб	207	Гейнрих	161

Ўзаро тўп узатишлар сони ҳам аввалги ўйинларга нисбатан кўп "брак" бўлганини кўрсатади. Аҳмедов ва Ҳайдаров ўртасидаги боғлиқликни инобатга олмаса, қолган ўйинчилар майдонда бир-бирларини яхши тушунмаганликларини кўрасиз.

Статистика шуни кўрсатаяптики, терма жамоамизнинг энг ожиз нуқтаси, бу ўнг қанот ярим ҳимояси. Бу қанотда ўйнаши керак бўлган Марат Бикмаев ўртага ўтиб кетаверган.