Суперлига. 12-тур лауреатлари

Championat.asia тур баҳслари асосида тур лауреатларини аниқлади.

"Андижон" клуби бу тур сафарда "Навбаҳор" меҳмони бўлди ва ғалабага эришди. "Андижон" ажойиб ўйин кўрсатди ва ўз тарихида илк бор Намангандан уч очко билан қайтди. Шу туфайли Ёрқин Назаров championat.asia сайти талқинига кўра 12-турнинг энг яхши мураббийи деб топилди.

"Андижон"нинг "Навбаҳор" устидан ғалаба қозонишида меҳмонлар посбони Низомиддин Зиёвутдиновнинг хизмати катта бўлди. У беллашув давомида жамоасини бир неча бор муқаррар голлардан сақлаб қолди. Шу боис Championat.asia сайти талқинига кўра, 12-турнинг энг яхши дарвозабони Низомиддин Зиёвутдинов бўлди.  

Бу турда ҳам "Қизилқум" ярим ҳимоячиси Эркин Байдуллаев чиройли гол урди ва кетма-кет иккинчи марта тур голи муаллифига айланди. Бу сафар тажрибали футболчи "Машъал" дарвозасига жаримадан гол урди.

"Бунёдкор" бу тур "Сурхон" билан Олмалиқда ўйнади ва 5:1 ҳисобида ғалаба қозонди. Шу куни "қалдирғочлар" сафида Фарруҳ Икромов дублга эришди ва жуда фаол ўйнади. Унинг рейдидан кейин Эркинов гол урди. Шу тариқа, Фарруҳ Икромов championat.asia талқинига кўра 12-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига