Суперлига. 11-тур лауреатлари

Championat.asia тур баҳслари асосида тур лауреатларини аниқлади.

Қаршининг "Насаф" клуби бу тур сафарда "Қўқон-1912" меҳмони бўлди ва ғалабага эришди. "Насаф" ажойиб ўйин кўрсатди ва Яйпандан уч очко билан қайтди. Шу туфайли Рўзиқул Бердиев championat.asia сайти талқинига кўра 11-турнинг энг яхши мураббийи деб топилди.

"Насаф" "Қўқон-1912" устидан ғалаба қозонишида меҳмонлар посбони Умиджон Эргашевнинг хизмати катта бўлди. У беллашув давомида жамоасини бир неча бор муқаррар голлардан сақлаб қолди. Бундан ташқари ўйин сўнггида Эргашев рақиб футболиси билан тўқнашиб кетди ва хушини йўқотди. Шу боис Championat.asia сайти талқинига кўра, 11-турнинг энг яхши дарвозабони Умиджон Эргашев бўлди. Championat.asia сайти Умиджонга тезроқ сафга қайтишига тилакдош! 

Бу турда "Қизилқум" ярим ҳимоячиси Эркин Байдуллаев "Бунёдкор" дарвозасига чиройли гол урди ва у championat.asia талқинига кўра тур голи деб топилди.

"Пахтакор" бу тур "Сурхон" билан Тошкентда ўйнади ва 4:0 ҳисобида ғалаба қозонди. Шу куни "шерлар" сафида Турғунбоев дублга эришди ва жуда фаол ўйнади. Шу тариқа, Азизбек Турғунбоев championat.asia талқинига кўра 11-турнинг энг яхши футболчиси деб топилди.

Ўзбекистон чемпионати турнир жадвали >>>>> Суперлига