Спинаццоланинг қачон майдонга қайтиши маълум бўлди
03 сен 2021 21:31
Новости

Спинаццоланинг қачон майдонга қайтиши маълум бўлди

"Рома" ҳимоячиси Леонардо Спинаццола жароҳатидан тикланишда давом этмоқда. Унинг сўзларига кўра, декабргача майдонга қайтмайди.

"Моуринью ва Манчини ноябрь ойида машғулотларни бошлашимни ва декабрда майдонга қайтишимни билишади", — дейди ҳимоячи.

Эслатиб ўтамиз, Спинаццола Европа чемпионатида Италия терма жамоасининг энг яхши футболчиларидан бири бўлган. У Евро-2020 чорак финалида Бельгияга қарши ўйинда (2:1) жароҳат олди ҳамда ҳал қилувчи ўйинларни ўтказиб юборишга мажбур бўлди.

Леонардо 2019 йилда "Ювентус"дан қарийб 30 миллион евро эвазига "Рома"га ўтганди. Унинг Рим клуби билан амалдаги шартномаси 2024 йилгача амал қилади.

Ссылка :

Источник : SportWeek

Получайте новости прямо в Telegram!

Рейтинг: +3