Солибек Каримов эркин агентга айланди

2020 йилги Суперлигада дебют қилган ва 11та учрашувда майдонга тушган 22 ёшли ҳимоячининг "Бухоро" билан тузган шартномаси ўз ниҳоясига етди.

Бу ҳақда футболчининг ўзи championat.asia сайтига маълум қилди.

"Ҳа "Бухоро" билан тузган шартномам якунланди. Айни пайтда олдимда Ўзбекистондан иккита таклиф бор. Малайзиядан ҳам қизиқиш бор, агар бу клуб билан келиша олсак легионерга айланишим мумкин. 2020 йилги мавсум мен учун жуда катта мактаб бўлди, янги мавсумдан кўп нарса кутяпман", - дейди Каримов.