"Сўғдиёна" мураббийи Шавкат Абдухўжаев: "Ўйин якунида ҳисобни сақлаб қолиш ниятида ҳимояландик"

"Авваламбор, Жиззах халқини ғалаба билан табриклайман. Бугунги ўйин қийин бўлишини билгандик. Даврон билан биргаликда рақибни яхшилаб ўрганиб чиққандик. Ўйин якунида ҳисобни сақлаб қолиш ниятида ҳимояландик. Тўғри, қайсидир вазиятларда омадимиз келди.

Жамоамизнинг ўрта чизиғини кучайтиришимиз лозим. Шошқалоқлик йигитларимизга ҳалал бермоқда. Шунингдек, ҳужумчилар ҳам керак.

Ўйинларни кўриб чиқиб, шунга қараб тайёргарлик кўрамиз. Камчиликлар устида ишлашимиз лозим. Бизга вақт керак.

"Олмалиқ" кучли жамоа. Улар кучли олтиликка кира оладилар.

Биз рухий томонлама тайёргарликни йўлга қўйишимиз керак. Мехмонда ўйнашни хам ўрганиб олишимиз лозим.

"Сўғдиёна" матбуот хизмати