Шота Арвеладзе: "Пахтакор" иккала бўлимда ҳам секин ўйнади"

Ўйин ҳақида фикрларингиз…
Ўйин кутилганидек қийин кечди. Кўп нарсани айтиб ўтса бўлади. Чемпионат рестартидаги биринчи ўйинимизни ўтказдик ва жуда ёмон бошладик. Йигитлар яхши шуғулланишганди, бундай секин ва ёмон ўйнашимизни кутмагандик. “Сўғдиёна” секин ўйнашимизга ёрдам бериб юборди, жуда кўп тўхталишлар бўлди. Аммо биз тезроқ ўйнашимиз, янада шижоатли ҳаракат қилишимиз ва кўпроқ энергия сарфлашимиз керак эди. Афсуски, бундай бўлмади ва ютқаздик.

“Сўғдиёна” ва Улуғбек Бақоев ҳақида фикрингиз…
Табриклайман.

Карантин давридаги танаффусдан кейин бўлиб ўтган бугунги ўйинда “Сўғдиёна” тажрибалироқ кўриндими ёки “Пахтакор” бўшашиб ўйнадими?
Агар вазиятга реал қарасак, карантиндан кейин барча жамоаларга қийин бўлиши аниқ. Яна 5-6 турдан кейин ким нима билан шуғуллангани маълум бўлади, чунки бу психологик томондан ҳам осон эмас. Ҳозир футбол ҳақида кўп нарсани гапириш қийин.

Ўйин тақдирини ким ёки нима ҳал қилди?
Менимча, ҳар иккиси.

Биринчи бўлимда фаол ҳаракат қилган “Пахтакор” иккинчи бўлимда бундай кўринмади?
"Пахтакор" иккала бўлимда ҳам секин ўйнади. Биз янада фаол ўйнай оламиз.

Ҳакамларга эътирозингиз борми?
Учта вазиятни кўргач, нимадир дейишим мумкин.