Шота Арвеладзе: “Биринчи финалчи бўлдик. Бундан хурсандман”

Шота Арвеладзе: - Бугунги ўйин оғир бўлишини билардик. Ярим финалнинг битта ўйиндан иборат эканлиги ҳам учрашув шиддатли ўтишидан далолат берарди.

“Қўқон-1912” жамоаси билан ҳар доим мураккаб ўйин бўлган. Гоҳ сафарда бўлсин, гоҳ ўз майдонимизда бўлсин. Бу бизни бироз хавотирга соларди. Биз Қўқонга финалга чиқиш учун келгандик. Ҳақли равишда финалга чиқдик. Ўтказиб юборган иккита гол бизга халал бермади ва бешта гол урдик.

“Пахтакор” мухлисларини ҳам бугунги ғалаба билан табриклайман. Улар бугун бизни тинимсиз қўллаб-қувватлаб туришди. Бугун чиройли ўйин намойиш этган футболчиларга ҳам раҳмат айтаман.

- Ўйин куни тушдан сўнг баҳс ҳаками эълон қилинди. Фаолиятингизда шундай ҳолат бўлганми?
- Бу савол менга эмас.

- Ҳужумда тўрт нафар ҳужумкор футболчига майдонда қандай қилиб жой топиб бердингиз?
- Буни дарҳол амалга ошира олмадик. Черан ва Машарипов майдонда катта ҳажмда ишни бажаришмоқда. Улар тўпни ушлаб туриб, зарур пайтда паслари билан ҳужумни бошлай олишади. Бирданига тўрт ҳужумкор футболчига жойни топишимиз осон бўлмади.

- Финалда ким рақиб бўлишини истардингиз?
- Олдиндан башорат қилишни ёқтирмайман. Финал битта ўйиндан иборат. Биз биринчи бўлиб ҳал қилувчи баҳсга йўлланма олдик, бундан хурсандман. Финалда нима бўлишини энди кўрамиз.

Тиаго Безерра: - Биринчи навбатда мухлисларимизга миннатдорчилик билдириман. Қўқонда доимо оғир бўлган. Бугун биз тез гол урдик, аммо тезда ҳисоб тенглашди. Аммо юқори мақсад қўйган жамоа ғалаба қозониши керак. Лекин шундай бўлса-да, финалга лойиқ эканлигимизни исботладик. Яна бир бор мухлисларимизни табриклайман.