Шевченко: “Испания футболи ҳар доим халқаро майдонда етакчи бўлиб келган ва ҳозир ҳам шундай”
06 сен 2020 07:10
Новости

Шевченко: “Испания футболи ҳар доим халқаро майдонда етакчи бўлиб келган ва ҳозир ҳам шундай”

Украина терма жамоаси бош мураббийи Андрей Шевченко Миллатлар лигаси мусобақасида Испанияга қарши баҳс олдидан ўз фикрлари билан ўртоқлашди.

“Испания термасининг куч-қудрати – таркибдаги ижрочиларда. Бу дунёнинг энг кучли жамоаларидан бири. Мен терма жамоа мураббийи Луис Энрикени жуда ҳам ҳурмат қиламан. У турнирга жамоасини жуда яхши тайёрлаганига ишончим комил.

Испания термаси мана бир неча йилдирки ажойиб таркибга эга, иқтидорли футболчилардан ташкил топган. Улар доим ҳар бир баҳсга ўзига хос тизим асосида тайёргарлик кўришади. Испанлар доим халқаро майдонларда етакчилар сафида бўлишган ва ҳозир ҳам шундай. Бу ерда кўплаб тажрибали мураббийлар ва катта клублар бор.

Шу сабаб бизда ҳозир ушбу ажойиб жамоага қарши тўп тепиш имконияти туғилди. Миллатлар лигаси турнири мураббийларга жамоасини ўйиндан ўйинга, қисқа вақт ичида кучли рақибларга қарши тайёрлаш имкониятини тақдим этади”, дея Шевченконинг сўзларидан иқтибос келтирмоқда Украина футбол ассоциацияси матбуот хизмати.

Испания-Украина беллашуви бугун, 6 сентбярь куни бўлиб ўтади. Беллашув Тошкент вақти билан соат 23:45 да бошланади.

Ссылка :

Источник : Украина футбол ассоциацияси матбуот хизмати

Получайте новости прямо в Telegram!

Рейтинг: +8