Шенснидан ҳавас қиларли натижа!
11 апр 2025 11:48
Новости

Шенснидан ҳавас қиларли натижа!

"Барселона" дарвозабони Войцех Шенсни Чемпионлар Лигаси чорак финалида Дортмунднинг "Боруссия"сига қарши ўйинда 90 дақиқа ўйнади ва Каталония жамоасидаги мағлубиятсиз ўйинлари сонини 21 тага етказди.

Польшалик дарвозабон бошчилигидаги бу ўйинларда "Барса" 17 ўйинда ғалаба қозонди ва учтасида дуранг қайд этди. Бу учрашувларнинг барчасида Шенсни 11 марта ўз дарвозаси дахлсизлигини сақлаб қолди.

Қолаверса, польшалик посбон бир йилдан ортиқ вақт давомида клуб даражасида мағлуб бўлмади. Дарвозабоннинг сўнгги мағлубияти "Ювентус"га 2024 йилнинг март ойида А Серия ўйинида бўлганди. Ўшандан бери у бирорта ўйинда мағлуб бўлмади.

2024 йилнинг ёзида польшалик дарвозабон фаолиятини якунламоқчи бўлган, бироқ асосий дарвозабон Марк-Андре Тер Штеген жароҳати туфайли узоқ муддатга сафдан чиққани учун каталонияликларнинг таклифини қабул қилган. "Барселона"га келгач, Шенсни тезда Иньяки Пеньяни асосий таркибдан чиқариб юборди.

Аввалроқ "Барселона" Шенсни билан шартномани узайтирмоқчи эканлиги ҳақида хабарлар тарқалган эди.

"Барселона" 10 апрель куни тунда ЕЧЛ 1/4 финалининг илк учрашувида "Боруссия Д"ни 4:0 ҳисобида таслим қилган эди.

Ссылка :

Источник : przegladsportowy.onet.pl

Получайте новости прямо в Telegram!

Рейтинг: +11