RU

Последние новости

08:03ЦСКАни бошқариш учун иккита номзод бор  0 07:35ПСЖ футболчиси Испания — Португалия учрашувида энг яхши бўлди  1 07:09Неъматилло Қуттибоев: "Арислан Юсупбаев ва Аъзамжон Алиевларда жароҳат бор"  0 02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  152 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  2 22:35Қатар терма жамоаси Тошкентга етиб келди  7 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  44 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  13 21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  11 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  18

Секейра: "Чемпионат якунлангач, уйга кетаман, аммо "Локомотив"дан эмас" Новости

Секейра: "Чемпионат якунлангач, уйга кетаман, аммо "Локомотив"дан эмас"

"Локомотив" бош мураббийи Микаэль Секейра "Сўғдиёна"га қарши ўйин тўғрисида фикр билдирди.




Ўйин ҳақида

— Ўйин ажойиб руҳда ўтди. Иккала жамоа ҳам кучли клуб ҳисобланади. Ўйлашимча, бугун "Локомотив" жуда яхши ўйин кўрсата олди. Тактик жиҳатдан жамоа ўзига бириктирилган вазифани аъло даражада уддалади. Сабаби, "Сўғдиёна"нинг ўйинларини кўриб чиқдик, анализ қилдик, уларга қарши ўйин услуби ишлаб чиқдик ва бу тўғри амалга оширилди, деб ўйлайман. "Сўғдиёна"нинг 3-ўринда кетаётганини ҳисобга олсак, бугун чиройли ўйин гувоҳи бўлдик. Шогирдларимга ҳам миннатдорчилик билдираман, улар бугун баҳс намойиш этишди. Бу ғалабани фақатгина "Локомотив"га тааллуқли кишиларга эмас, ўзбек футболини яхши кўрадиган барча мухлисларга бағишлаймиз, чунки улар ушбу ҳафтада зафар қозонишимизда катта ёрдам беришди. Менга кўпгина футболга қизиқувчилардан хабарлар келди, улар мен ҳақимда илиқ фикр билдиришди. Уларга ҳам алоҳида миннатдорчилик билдираман. Албатта, ўзга юртда фаолият юритиш бир киши учун жуда қийин. Мухлисларнинг менга бўлган муносабати қўшимча куч бағишлади. Мен бировни танқид қилишни, у ҳақда салбий гапиришни ёқтирмайман. Фақатгина ўзбек футболи ривожи йўлида ёрдам бермоқчи эдим.

— Темурхўжа Абдухолиқовнинг аҳволи қандай? У биринчи бўлимда жароҳат олиб, алмаштирилди.

— Темурхўжанинг аҳволи яхши, мен уни иккинчи бўлимда хавф остига қўйишни истамадим. Менимча, 3-4 кун ичида саломатлиги яхшиланиб, машғулотларга қайтади.

— Сўнгги пайтларда ўзини кўрсатаётган, ҳатто терма жамоага чақирилган Азизбек Амонов захирада қолдирилди. Бу тактика билан боғлиқми ёки унинг ўйини пасайганми?

— Тактика бўйича шу нарса режалаштирилганди. Шу боис унинг ўйинида муаммо йўқ.

— Қўқондаги баҳсдан сўнг Секейра жамоадан кетиши ҳақида гапирганди. Бу жаҳл устида айтилган гапми ёки мураббий мавсум якунида жамоани тарк этмоқчими?

— Албатта, чемпионат якунлангач, уйга кетаман. Бу "Локомотив"дан кетиш дегани эмас, бу ҳақда музокаралар олиб борилади.

Рейтинг: +24   

Комментарии

championat.asia
< посмотреть последние новости
Яндекс.Метрика