Санжар Шоаҳмедов: “Уйимизда “Ал-Айн”ни мағлуб этамиз”
06 сен 2016 15:15
Новости

Санжар Шоаҳмедов: “Уйимизда “Ал-Айн”ни мағлуб этамиз”

Тошкентнинг “Локомотив” клуби ОЧЛнинг чорак финал босқичида БААнинг “Ал-Айн” клуби меҳмони бўлиб сафардан дуранг натижа билан қайтганидан хабарингиз бор.

“Темирйўлчилар” айни дамда жиддий машғулотларга киришган. “Локомотив” клуби футболчиси Санжар Шоаҳмедов тайёргарлик ҳақида фикр билдирди.

“Машғулотларда кўпроқ жисмоний ҳолатларга эътибор қаратяпмиз. ФИФА куни бўлгани учун ички чемпионатимизда бироз танаффус юзага келди. “Ал-Айн”га қарши жиддий тайёргарлик кўряпмиз. 9 сентябрь куни ички чемпионатда “Шўртан” жамоасига қарши баҳс олиб борамиз. Ушбу учрашув “Ал-Айн”га қарши яхшигина тайёргарлик вазифасини ўтаб беради. Насиб қилса “Ал-Айн” клубини ўз уйимизда мағлубиятга учратамиз. Жамоамизда барча футболчилар машғулот ўтказмоқда, ҳеч қандай йўқотишлар йўқ.

Миллий терма жамоамиз 1 сентябрь куни Сурия терма жамоасини 1:0 ҳисобида мағлубиятга учратди. Энг асосийси 3 очко қўлга киритилди, бундан жуда ҳам хурсандман. Бугун ЖЧ 3-саралаш босқичининг 2-турида Ўзбекистон миллий терма жамоаси Қатарни мағлубиятга учратади деган умиддаман”, - дейди “Локомотив” клуби футболчиси Санжар Шоаҳмедов.

Жаҳонгир Сотволдиев

Ссылка :

Источник : championat.asia

Получайте новости прямо в Telegram!

Рейтинг: +5