Санжар Қувватов: "Бугун "Насаф" 12 киши бўлиб ўйнади"
30 янв 2018 18:59
Новости

Санжар Қувватов: "Бугун "Насаф" 12 киши бўлиб ўйнади"

"Насаф" - "Ал Файсали" (5:1) учрашувининг энг яхши футболчиси деб топилган Санжар Қувватов матбуот анжуманида қатнашди.

"Аввало барчани U-23 Осиё чемпионатидаги ғалаба ва ОЧЛга йўл олганимиз билан табриклайман. Ўйин қийин бўлди. Бугун стадионга ташриф буюрган мухлислар бизнинг асосий устунлигимиз бўлди. Биз бугун 12 киши бўлиб ўйнадик. Шунингдек, мураббийлар штаби бизни учрашувга жуда яхши тайёрлашди. Қисқасини айтадиган бўлсам, мана ҳозир барча чарчоқ чиқиб кетди.

Нестеров? Мен доимо ёшлигимда Игнатий Нестеровга ўхшашга, унинг даражасига чиқишни истардим. Ёшлигимизда футболкамнинг орқасига Игнатий Нестеров деб ёзиб олардим. Нестеровга жуда ҳавас қилганман. Ўзбекистондаги дарвозабонлар ичида Нестеров менинг кумирим саналади. Жаҳон футболида эса аввал Касильясга ўхшашга ҳаракат қилардим. Ҳозирда Мануэль Нойернинг ўйинларига ҳавас қиламан", - дейди "Насаф" - "Ал Файсали" учрашувининг энг яхши футболчиси.