Салимжон Зокиров: “Биринчи лигада иштирок этиш учун шароитга эгамиз”

“Қўқон-1912”дан ташқари Марғилоннинг “Атласчи” ва Ёзёвон туманининг “Ёзёвон-лочинлари” ҳам бу йил биринчи лигада иштирок этиши тахмин қилинаётганди. Аммо бу икки жамоа ҳам пулькада йўлланмани қўлга кирита олмаган. Адашмасак. “Атласчи” Тошкентда ўтказилган пулькада ҳам иштирок этмаганди. Илгари футболчилик даврида дарвозабон сифатида ўйнаган Салимжон Зокиров бугунги кунда “Ёзёвон-лочинлари” жамоасини бошқариб келмоқда. Мураббийнинг айтишича унинг жамоаси бу йил биринчи лигада иштирок этишга ҳар томонлама тайёр.

- Тўғриси, бу йил Фарғонадан қайси жамоалар биринчи лигада иштирок этишини билмайман. “Атласчи” ёки “Ёзёвон-лочинлари” бу борада асосий номзод эканлиги аниқ. Биз вилоят футбол федерациясига жорий мавсум биринчи лигада иштирок этишга тайёр эканлигимиз ҳақида маълум қилганмиз. Ҳозирги кунда қайси жамоалар иштирок этиши ҳақида ҳам тўлиқ маълумотга эга эмасмиз. Қайсидир клуб ўйнайман деб ҳозирлик кўраётган бўлса, яна қайсидир жамоанинг эртаси мавҳум турибди. Менимча энди бу масала 21 февраль куни қуръа ташлаш маросимида аниқ бўлса керак.

- Сизга фақат шуни айтишим мумкинки, бу йил “Ёзёвон-лончилари” жамоаси биринчи лигада иштирок этиш учун тайёр. Бунинг учун бизда барча шароитлар мавжуд. Лекин таҳминимча барибир йўлланма “Атласчи”га берилса керак. Чунки Марғилон шаҳри жамоасининг бу борадаги имконияти барибир истаймизми йўқми юқори. Қолганини вақт кўрсатади.

Исломбек Рустамбеков.