Рустам Ашурматов "Рубин" - "Ахмат" учрашувининг энг яхши ўйинчиси деб топилди

Ўша учрашувда қозонликлар сафида ҳамюртимиз Рустам Ашурматов тўлиқ ҳакарат қилган ва 90+4 - дақиқада сариқ карточка олган эди. "Рубин" матбуот хизмати ижтимоий тармоқларда беллашувнинг энг яхши футболчиси бўлиш учун 4 нафар номзодни эълон қилди ва мухлислар ўртасида сўровнома ўтказди. Унга кўра, Рустам Ашурматов мазкур баҳснинг энг яхши ўйинчиси деб топилди. У сўровда Юрий Дюпин (дарвозабон), Валентин Вада ва Мирлинд Даку (иккиси ҳужумчи)ларни ортда қолдирди.

Рустам Ашурматовнинг "Ахмат"га қарши ўйиндаги статистикаси:

Ютилган яккакурашлар - 9та;

Муваффақиятли техник-тактик ҳаракат - 66та;

Тўпни жамоасига қайтариб олиб бериш - 22та;

Рақиб пасини илиб кетиш - 8та;

Майдоннинг учинчи қисми (рақиб жарима майдони томон)га аниқ паслар - 6та;

Тўп узатишлар аниқлиги - 86 фоиз.

Эслатиб ўтамиз, айни пайтда "Рубин" ички чемпионатда 21 турдан кейин 32 очко билан 7-ўринда бормоқда.