Руслан Вагапов: "Рамзий терма жамоа таркибидан жой олишимни кутмагандим"
28 мар 2014 15:02
Новости

Руслан Вагапов: "Рамзий терма жамоа таркибидан жой олишимни кутмагандим"

Ўзбекистон XXIII миллий чемпионати учрашувларидан бошлаб, Championat.asia веб-сайти ижодкорлари ташаббуси билан ҳар бир тур якунида рамзий терма жамоа таркиби эълон қилинаётгани мухлисларга манзур бўлмоқда.

Дастлабки тур якунларига кўра, мазкур терма жамоа бош мураббийлигига "Қизилқум" жамоаси бош мураббийи Юрий Лукин муносиб кўрилганди.

Мамлакатимизнинг марказий нашрлари журналистлари, футбол клублари матбуот хизмати вакиллари ва Championat.asia ижодкорлари иккинчи турдан сўнг, рамзий терма жамоа ярим чизиғидан навоийликлар ярим ҳимоячиси Руслан Вагаповга жой берганликлари эътиборлидир.

— Очиғи, рамзий терма жамоа таркибидан жой олишимни кутмагандим, — дейди Руслан Вагапов. — Чунки мамлакатимизда кучли футболчилар жуда кўп. Шулар қаторида менга берилган бу эътибордан жуда хурсандман. Мақсадим эса фақат чиройли ўйинларим билан мухлисларни қувонтириш ва "Қизилқум" жамоасининг ғалабаларига ўзимнинг муносиб ҳиссамни қўшишдир.

Ссылка :

Источник : fcqizilqum.uz

Получайте новости прямо в Telegram!

Рейтинг: