Рус матбуоти ва таниқли журналистлар Шомуродов ҳақида нима дейишмоқда?

Қуйида ўша мақола ва журналистларнинг Шомуродов ҳақида ёзганларига тўхталиб ўтамиз.

Карпиннинг Шомуродовдан кўнгли тўқ, дея бошланади мақола.

"Шомуродов янги мавсумдаги шубҳасиз энг ёрқин юлдузлардан бири. Эътиборлиси, ўтган мавсум Шомуродов умумий ҳисобда 3та голга муаллифлик қилганди. Туланинг "Арсенал" жамоасига қарши ўйиндан кейин унинг ҳисобидаги гол плюс пас (2 гол, 1 ассист) тизимидаги очколари сони  3тага етди. Шомуродов ҳақида кўпчилик ўтган мавсум якунида яхши тасаввурга эга бўлганди. "Краснодар"га сузувчилар учун чиқарилган сеҳрли қалпоқча билан урган голи барчанинг ёдида. Ўшанда Элдор захирадан ўйинга қўшилиб "Ростов"га 1 очкони тақдим этганди. Қизиғи, ўша голдан сўнг Шомуродов кийиб чиққан қалпоқчани ижтимоий тармоқларда "Элдор-қалпоқлари" деб номланган кенг рекламаси кетганди", дейилади мақолада.

"Шомуродов ёзда "Ростов"нинг янги мавсумга тараддуд кўриш жараёнида ҳам асосий юлдузига айланди. "Париматч Премьер" кубогида ЦСКА дарвозасига киритилган иккита гол уриб барчанинг диққатига сазовор бўлди. Кейинчалик премьер лиганинг илк турида "Оренбург" дарвозаси яна ўша машҳур бош билан ишғол этилди. Шундан сўнг журналистлар ҳам Карпиндан Шомуродов топ клубларда ўйнашга тайёрми, дея сўрай бошлашди. Валерий Карпин эса журналистларга Элдор "Ростов"да ўтган йил мобайнида доимий ўсишга эришгани ва эндигина мураббий хоҳлаган даражага чиққанини таъкидлади".

Кейинчалик "Спартак"ка қарши иккинчи тур доирасидаги баҳсда Шомуродов ёмон таассурот қолдирмади. Бироқ кутилган ўйинни намойиш эта олмади. Туланинг "Арсенал" жамоасига қарши ўйинда эса Шомуродов том маънода энг зўри бўлди. Дастлаб у ажойиб техникасини кўрсатди.  Ионовнинг узатган голли паси ва ғалаба тўпи. Бир ҳимоячидан усталик билан ўтиш, иккинчисини алдаш ва ҳужумга чиройли якун - зарба. "Ростов"нинг мазкур ғалаба тўпи тўлиқлигича Шомуродов номига ёзилди.

Ёзда Шомуродов "Ростов" билан шартномани 3 йилга узайтирди. Шомуродов "Ростов"нинг ўтган йилги асосий ҳужумчиси, исландиялик Бьорн Сигурдсонни захирага ўтказди. Карпин эса яқиндагина чиройли, хўрлиқо Машага берган интервьюсида Элдорни Россия премьер лигасидаги энг иқтидорли футболчилар (Ака-ука Миранчуклар, Азмун ва Шомуродов) қаторида тилга олди.

Ҳозирча Россия премьер лигасининг янги юлдузи ҳақида шулар.

Қўшимча сифатида шуни айтиш керакки, Туланинг "Арсенал" жамоасига қарши ўйиндан кейин таниқли рус шарҳловчилари, журналистлар ва ижтимоий тармоқдаги машҳур инсонлар Шомуродов ҳақида жуда кўп илиқ фикрларни билдиришди.

Хусусан собиқ футболчи, таниқли спорт шарҳловчиси Константин Генич Шомуродовни Россия премьер лигасининг юлдузи дея атади.

Чемпионат.ком нашри журналисти Дмитрий Егоров эса ўз аккаунтида Мостовой ва Георгийнинг Шомуродовни "Ростов"нинг энг яхши ва қизиқарли трансферига айлангани ҳақида гапиришганини маълум қилди ҳамда журналист Шомуродовни энг зўри дея ёзди.

Қирғизистон Футбол Федерацияси матбуот котибаси Наталья эса Шомуродовни ҳозирги кунда Ўзбекистоннинг энг кучли футболчиси дея атади.

"Спорт Экспресс" нашри бош муҳаррир ўринбосари Дмитрий Симонов эса Шомуродовни "Спартак"ка таклиқ қилди. У шундай ёзади: "Қиммат, ҳали чемпионатимизга мослашмаган легионерларга пул сарфлагандан кўра, яхшиси Шомуродовни сотиб олган маъқул. Понсе билан таққослаб кўринг. Ҳали у мослашиш жараёнида..."

Маълумот ўрнида: "Sports.ru" сайтида Россия премьер лигасининг виртуаль футбол учун мўлжалланган фэнтези ўйинида Шомуродов энг кўп очко тўплаган футболчилар орасида учинчи ўринда бормоқда ва трансфер бозорида энг талабгор футболчига айланган. Шомуродов учинчи турдан сўнг 17 очко тўплаган ҳолда 19 очкодан эга Александр Соболев ва жамоадоши Алексей Ионовдан ортда қолмоқда холос.

Шомуродов ва Азмун Осиё нашри эътирофида 

Шомуродов "Машъал" академиясига қандай келиб қолганини биласизми?