Рубен Аморим: "Кейинги йил ҳам шу босқичда худди шу муаммолар билан қоламиз ёки ҳозир бошлаб, бироз таваккал қиламиз"

"Биламан, бу мухлисларни хафа қилади, лекин бизда кўп ўйинлар бўлган бир пайтда кўп нарсани ўзгартирмоқдамиз. Биз узоқ вақт азоб чекамиз ва ўйинларда ғалаба қозонишга ҳаракат қиламиз, аммо бу вақт талаб этади.

Биз "Ипсвич"га қарши ўйинда ғалаба қозонишимиз керак эди, лекин Онана бўлмаганида мағлуб бўлардик. Шунинг учун буни тўғри тушунишимиз ва прагматик бўлишимиз керак деб ўйлайман. Йигитлар ўзгаришларга кўникиш учун икки кун машғулот ўтказишди.

Ўйинчилар уч кун ичида янги ғояларни ўзлаштириши қийин. Ўйлайманки, шунинг учун улар мени мавсум ўртасида олиб келишди ва биз улар (Эрик тен Ҳаг қўл остида – таҳр.) қилган ишларини ўзгартиришга ҳаракат қиляпмиз.

Ёки кейинги йил ҳам шу босқичда худди шу муаммолар билан қоламиз, ёки ҳозир бошлаб, бироз таваккал қиламиз, озгина азоб чекамиз ва кейинги йил бу босқичда яхшироқ ҳолатда бўламиз, шунинг учун таваккалга қўл уришимиз лозим", – деди Аморим.

Эслатиб ўтамиз, "Манчестер Юнайтед" Аморимнинг дебют учрашувида "Ипсвич" билан баҳс олиб бориб, дуранг ўйнади.