Рўзиқул Бердиев: "Таркибда сезиларли ўзгаришлар бўлиш эҳтимоли катта"
20 ноя 2014 15:03
Новости
![](https://championat.asia/upload/storage/152202_original.jpg)
![](/upload/storage/152202_220.jpg)
Рўзиқул Бердиев: "Таркибда сезиларли ўзгаришлар бўлиш эҳтимоли катта"
Кутилганидек, “Насаф” ушбу мавсумни ҳам учинчи ўринда якунлади. Лекин бунга эришиш учун улар анчагина тер тўкдилар.
Бош мураббий Рўзиқул Бердиев жамоани бир мақсад йўлида бирлаштиргани ҳам муҳим аҳамиятга эга. Шу сабабли ҳам жамоанинг эришаётган натижаларида унинг меҳнатлари катта. Қолаверса, ҳар йили янги иқтидор эгаларини кашф қилмоқда. Меҳнатига яраша натижа кўрсатаётгани ҳам эътиборга молик. Умид қиламизки, у билан суҳбат сизни бефарқ қолдирмайди. Чунки бир қатор қизиқарли ва долзарб масалаларни ўртага ташладик.
- “Насаф” доимгидек барқарорлигини сақлаб қолди. Натижада саккизинчи бронза медалига эга бўлди. Сиз эса клубнинг барча эришган натижаларида қатнашгансиз. Албатта, ҳар бир вазифани бажаришда ўзига яраша қийинчиликлар бўлади. Лекин қўлга киритилган қайси бронза ўта машаққатли бўлган деб айта оласиз?
- Машаққатлиси назаримда бу йилгиси бўлди. Негаки, ўтган йили ҳам бронзага эга чиққанимиздан сўнг бу йил ҳам ундан паст кўрсатгич қайд этмаслигимиз керак эди. Шунинг эвазига бу йил учинчи ўринни эгаллаш анча қийин бўлди. Барибир асосий мақсадимизга эришдик. Бунга барқарорлигимиз туфайли ҳам сазовор бўлдик. Тўғри, футболчи сифатида ҳам бронзаларни ютганман. Лекин мураббий сифатида айнан бу йилгиси бир мунча оғир меҳнатлар эвазига эришилди.
- 8 марта бронза медалларига эга бўлиш ҳам бу яхши кўрсатгич. Лекин ҳадеб учинчи ўринни эгаллайвериш натижасида мажозий маънода айтганда бронзани ютавериб “тўйиб” қолмадимикин?
- (Кулади) Албатта, ушбу соврин ҳам аслида ёмон натижа эмас. Жамоа ҳар доим юқори ўринларни мақсад қилиб келади. Лекин у ёғига нимагадир кучимиз етмаяпти. Биласиз, “Насаф” 2011 йили кумуш медални ҳам қўлга киритган. Асосий вазифамиз жамоа барқарорлигини сақлаб қолган ҳолда ўз ўрнини йўқотмаслиги лозим. Айнан шунга ҳаракат қилиб ишлаяпмиз ва бу ёмон натижа бермаяпти. Терма жамоалар учун муносиб футболчиларни тайёрлаш ҳам бизнинг муҳим мақсадларимиздан биридир. Ўйлайманки, бу борадаги вазифани ҳам жамоамиз уддалаб келмоқда. Балки мухлисларимиз биздан янада каттароқ ютуқларни кутишаётгандир. Лекин ҳозирча бунга эриша олмаяпмиз. Биринчи ўрин ёки Кубокни ютишимизни исташаётганлар ниҳоятда кўп. Албатта, бу даврлар ҳам келади. Ҳозир эса келажак учун замин яратиб боряпмиз.
- Кимга қанақа билмадиму, “Насаф” учун бронза олий даражадаги мақсад бўлиб қоляпти ва унга эришмоқда. Бош мураббий сифатида бу ҳолатга қандай фикр билдирасиз?
- Бу ҳолат ҳақида нима дейишим мумкин? Боя “Насаф”нинг бронзалари кўпайиб кетди деган гапни айтиб ўтдингиз. Тўғрисини айтсам, ҳозирги вазиятдан келиб чиққан ҳолда ушбу натижаларимиз бизни ҳам қониқтиряпти. Клуб олдига бошқача йўлни танлаган. Яъни, иқтидорли ёшларни ўстириш ва терма жамоаларга етказиб бериш. Клубнинг олдингидек катта имкониятлари йўқлиги учун ҳам шу йўлни танлаганмиз. Биламан, катта ютуқларга эришиш учун ҳар бир мураббийга аъло даражадаги футболчилар керак бўлади. Лекин ҳозирги кунда бундай шароитга қодир эмасмиз. Шунинг учун имкониятимизга қараб олдимизга вазифа қўймоқдамиз.
- Кўрпага қараб оёқ узатяпмиз денг..
- Ҳа, худди шундай.
- У ҳолда “Насаф”нинг 100 фоиз чемпионлик учун курашаётганини қачон кўрамиз?
- Бу фақатгина мураббийларга ёки футболчиларга боғлиқ эмас. Ўзингиз ҳам яхши биласиз, олтин медалга курашиш учун жамоа ҳар томонлама тайёр бўлиши лозим. Молиявий, ташкилий жиҳатлардан ҳам етук бўлмоғи талаб этилади. Шунга қараб ўйинчиларни танлаш керак. Умид қиламанки, ҳали шу кунларга ҳам етиб келамиз. Ҳозир эса ёшларимизнинг тажрибаларини ошириб бораверсак, вақти келиб бизда ҳам шундай имконият бўлади.
- “Насаф”нинг эришаётган натижасига диққат билан эътибор берсак, у сўнгги лаҳзага келибгина бронзага эгалик қилаётгани йўқ. Ҳар йили жамоангизнинг чемпионлик учун курашда яхшигина имконияти борлигини кўрамиз. Лекин охирига бориб бронза билан кифояланиб қолмоқда. Доим фаворитлар қаторида тилга олинади. Айтмоқчиманки, клуб учинчи ўринга кўтарилмаяпти, аксинча ушбу ўринга тушиб қоляпти.
- Барқарорлигимизнинг асосий сабаби шуки, инфратузилмамиз яхши шароитда. Кейин энг муҳим нарса шуки, жамоамизда ажойиб муҳит яратилган. Футболчиларга нимани талаб қилаётганимизни тушунтириб боряпмиз. Улар билан доим бир мақсад йўлида бирлашяпмиз. Эришаётган натижаларимизга сабаб айнан шу бўлмоқда. Агар янада каттароқ мақсад учун курашадиган бўлсак, унда бизга маҳоратли ўйинчилар зарур. Бундай ўйинчилар ҳар бир мураббийга керак. Лекин имкониятимиздан келиб чиққан ҳолда иш юритяпмиз. Кучли футболчиларни йиғиш, бундан-да кучли жамоага эгалик қилишни мен ҳам хоҳлайман. Лекин ҳозир бунга имкониятимиз етмайди. Қолаверса, охирги пайтларда бизни қийнаётган муаммо шуки, таркибимизда бир хил савиядаги футболчилар етарли даражада эмас. Эътибор берган бўлсангиз, бу йил деярли 15 нафар ўйинчимиз асосий таркибда ўйнашди. Захирамиз эса сал кучсизроқдек. Асосий таркибдан кимдир жароҳат олиб ёки бошқа сабаб билан ўйнай олмаса, бу кейинги учрашувда бизга муаммолар келтириб чиқаряпти. Агар иккита тенг кучли таркибга эга бўлганимизда ишларимиз бир мунча енгиллашган бўларди.
- Ҳар бир мураббийга яхши футболчилар керак дея тўғри гапни гапирдингиз. Бу ҳозирги замон талаби бўлиб қолди. Мураббийлар имкони қадар савияли ўйинчилар билан ишлашни исташмоқда. Бунинг оқибатида мураббийлар футболчилар билан илтимос тариқасида ишлаётгандек тасаввур пайдо бўлмоқда.
- Иккаласи бир-бири узвий боғлаган ҳолда иш олиб боришлари лозим. Бу қандай вазифа қўйилишига боғлиқ. Агар раҳбарият катта мақсадларни қўйса, албатта шунга яраша футболчиларга эхтиёж сезилади. Табиийки, мураббий ҳам шунга яраша бўлиши керак. Лекин бугунги футбол шуни кўрсатяптики, ҳар қандай мураббийга ҳам барибир кучли футболчилар зарур. Масалан, Карло Анчелотти, Жозе Моуриньо ёки Луи Ван Галл жаҳоннинг энг кучли мураббийлари саналади. Улар ҳам кучли футболчиларга эгалик қилишни исташяпти. Бундай ўйинчилар эса мураббийнинг ишини енгиллаштиради. Ёшларга тинмасдан уқтирадиган гапларни кучли футболчиларга кўп ҳам айтавермайсиз. Улар дарҳол тушунишади. Мураббий қанчалик кучли бўлмасин, қўйилган мақсад олий бўлса, унда албатта ўша мутахассисга ҳам кучли ижрочилар шарт.
- Ўтган йилнинг декабрь ойида сиз билан Қаршида кўришгандик. Ўша суҳбатдан кўп ўтмай Ўзбекистоннинг энг яхши мураббийи номига сазовор бўлгансиз. Бу сафар ҳам учинчи ўринни эгалладингиз ва бу сафар ҳам ана шу ютуққа эришишингизга ишонасизми?
- Мухлислар ва журналистлар ким энг яхшиси эканлигини аниқлашади. Асосий мақсадим ҳеч қачон энг яхшиси унвонига эришиш бўлмаган. Ҳар қандай ҳолатда ҳам ўз йўналишимизда ишлаб, футболчиларнинг камол топишида ўз ҳиссамизни қўшиш. Ўйлайманки, бунга эришдик. Аммо ҳозирги вазиятда энг яхши мураббий бўлиш ҳақида ўйлаётганим йўқ.
- Ўзингизга қолса, қайси мураббийни энг яхшиси дея айтган бўлардингиз?
- Бизда яхши мураббийлар кўп. Бу йил ёш ёки тажрибали мутахассисларимиз ўзларини яхши томонда кўрсата олдилар. Оддий қилиб айтганда, ҳурматга лойиқ ва ўз вазифасни сидқидилдан бажарадиган мураббийларимиз кўп. Уларнинг хар бири бунга муносиб.
- Сизнинг “топилмаларингиз”дан бири Фаррух Сайфиев бўлди. Кўпчилик уни терма жамоада тўп суришини кутмаганди. Унинг кашф этилиши ҳам бевосита сизга боғлиқ бўлди. Янги ёш ўйинчиларнинг терма жамоада ўйнаганидан кейин клубга қайтгач унда қандайдир ўзгаришлар сезилиши мумкин. Яъни, юриш-туришини назарда тутяпман. Бундай ҳолатни сезмадингизми?
- Ёш футболчиларда бу нарса озгина бўлса-да юз бериши мумкин. Фаррухни яхши биламан, унинг ақли жойида. Ажойиб ўйинчи бўлиб етишиш учун нималар қилиш кераклигини у билади. Бошида “Насаф” сафида тўп суришни бошлаганида камчиликлар кўп эди. Аслида ҳозир ҳам унинг ўйин томонидан муаммолари етарлича. Етук футболчи бўлишни истаса, ҳали кўп ишлаши керак. Лекин ўшанда Сайфиевни майдонга туширганимда қаршиликлар ҳам бўлди, кимгадир бу ишим ёқмади. Аммо уни тиришқоқ ва меҳнаткашлигини билардим. Фаррухнинг албатта терма жамоага ҳам ёрдами тегади. Миржалол Қосимов уни бежизга асосий таркибда тушираётгани йўқ. Ақли билан меҳнат қилишни яхши билади. Ҳар доим мураббийларнинг тактик усулларига мос тушади. Чунки у шошма-шошарлик билан эмас, балки ҳамма нарсани обдон ўйлаб ҳаракат қиладиган футболчи.
- Сайфиевни бошида асосий таркибга киритаётганингизда шундай гапларни эшитгандимки, у ўйнайдиган позицияда бошқа футболчи йўқ. Шу боис Бердиев уни бошланғич таркибга киритишга мажбур бўлмоқда деган гаплар бўлганди.
- Ҳа, бу тўғри. Ўзимга ҳам ушбу масала бўйича кўплаб саволлар беришарди. Лекин унинг имкониятини яхши билардим. Шу боис қўрқмасдан майдонга тушираверганман. Сайфиев ўзини оқлади деб ўйлайман. Аммо барибир рақобат бўлиши керак. Биласиз, у Шахрух Гадоев билан битта чизиқда ўйнайди. Бироқ жароҳат олгач, Фаррухга кўпроқ имконият беришни бошладим. Янги мавсумдан рақобатни янада кучайтиришимиз керак. Акс ҳолда ўсиш қийин бўлади.
- Илҳом Юнусовнинг клубдан кетиши ҳақидаги маълумотларга қандай жавоб берасиз?
- Кўплаб ўйинчиларимизнинг шартномалари тугаган. Уларни олиб қолиш раҳбаларга боғлиқ. Ҳеч кимни мажбур қилиб ўйната олмайсиз. Бизнинг йигитларимизга “совчи”лар бўлиши табиий ҳол. Раҳбарлар билан гаплашаман ва чиндан ҳам кейинги йилга мақсад жиддий бўлса, етакчиларимизни олиб қолишга ҳаракат қиламиз.
- Артур Геворкян масаласида нима дея оласиз?
- Ўйинимиз асосан Геворкянга боғлиқ. Ҳозир айтганимдек, етакчиларни жамоамизда сақлаб қолишга уриниб кўрамиз.
- Нима бўлган тақдирда ҳам кейинги йилда таркибда сезиларли ўзгаришларни кўрамиз экан-да?
- Ҳа, бунинг юз бериш эҳтимоли кўпроқ.
- Ундай бўлса, кўз остингизга олиб қўйган футболчилар ҳам борми?
- Албатта, сафимизда кўришни истаётган футболчиларимиз бор. Буни фақат раҳбарлар билан ҳал қила оламиз.
- Кейинги мавсум учун қандай режалар тузилди?
- Шу ойнинг охирида тиббий кўрикдан ўтишади ва 10 декабрдан тайёргарликни бошлаймиз. Унгача ОЧЛда нечта клуб қатнашиши маълум бўлиб қолса керак. Қолганини шунга қараб режалаштирамиз.
-“Насаф”нинг саралаш босқичида қатнашиш эҳтимоли бор...
- Тўғридан-тўғри гуруҳ босқичида ўйнашни хоҳлардик. Олтита ўйин ўтказиб натижа қандай бўлишини билмаймиз, лекин бу орқали жамоамиз катта тажрибага эга бўлган бўларди. Юрт шаънини муносиб ҳимоя қилишимиз лозим.
ФИРДАВСХОН суҳбатлашди.
- “Насаф” доимгидек барқарорлигини сақлаб қолди. Натижада саккизинчи бронза медалига эга бўлди. Сиз эса клубнинг барча эришган натижаларида қатнашгансиз. Албатта, ҳар бир вазифани бажаришда ўзига яраша қийинчиликлар бўлади. Лекин қўлга киритилган қайси бронза ўта машаққатли бўлган деб айта оласиз?
- Машаққатлиси назаримда бу йилгиси бўлди. Негаки, ўтган йили ҳам бронзага эга чиққанимиздан сўнг бу йил ҳам ундан паст кўрсатгич қайд этмаслигимиз керак эди. Шунинг эвазига бу йил учинчи ўринни эгаллаш анча қийин бўлди. Барибир асосий мақсадимизга эришдик. Бунга барқарорлигимиз туфайли ҳам сазовор бўлдик. Тўғри, футболчи сифатида ҳам бронзаларни ютганман. Лекин мураббий сифатида айнан бу йилгиси бир мунча оғир меҳнатлар эвазига эришилди.
- 8 марта бронза медалларига эга бўлиш ҳам бу яхши кўрсатгич. Лекин ҳадеб учинчи ўринни эгаллайвериш натижасида мажозий маънода айтганда бронзани ютавериб “тўйиб” қолмадимикин?
- (Кулади) Албатта, ушбу соврин ҳам аслида ёмон натижа эмас. Жамоа ҳар доим юқори ўринларни мақсад қилиб келади. Лекин у ёғига нимагадир кучимиз етмаяпти. Биласиз, “Насаф” 2011 йили кумуш медални ҳам қўлга киритган. Асосий вазифамиз жамоа барқарорлигини сақлаб қолган ҳолда ўз ўрнини йўқотмаслиги лозим. Айнан шунга ҳаракат қилиб ишлаяпмиз ва бу ёмон натижа бермаяпти. Терма жамоалар учун муносиб футболчиларни тайёрлаш ҳам бизнинг муҳим мақсадларимиздан биридир. Ўйлайманки, бу борадаги вазифани ҳам жамоамиз уддалаб келмоқда. Балки мухлисларимиз биздан янада каттароқ ютуқларни кутишаётгандир. Лекин ҳозирча бунга эриша олмаяпмиз. Биринчи ўрин ёки Кубокни ютишимизни исташаётганлар ниҳоятда кўп. Албатта, бу даврлар ҳам келади. Ҳозир эса келажак учун замин яратиб боряпмиз.
- Кимга қанақа билмадиму, “Насаф” учун бронза олий даражадаги мақсад бўлиб қоляпти ва унга эришмоқда. Бош мураббий сифатида бу ҳолатга қандай фикр билдирасиз?
- Бу ҳолат ҳақида нима дейишим мумкин? Боя “Насаф”нинг бронзалари кўпайиб кетди деган гапни айтиб ўтдингиз. Тўғрисини айтсам, ҳозирги вазиятдан келиб чиққан ҳолда ушбу натижаларимиз бизни ҳам қониқтиряпти. Клуб олдига бошқача йўлни танлаган. Яъни, иқтидорли ёшларни ўстириш ва терма жамоаларга етказиб бериш. Клубнинг олдингидек катта имкониятлари йўқлиги учун ҳам шу йўлни танлаганмиз. Биламан, катта ютуқларга эришиш учун ҳар бир мураббийга аъло даражадаги футболчилар керак бўлади. Лекин ҳозирги кунда бундай шароитга қодир эмасмиз. Шунинг учун имкониятимизга қараб олдимизга вазифа қўймоқдамиз.
- Кўрпага қараб оёқ узатяпмиз денг..
- Ҳа, худди шундай.
- У ҳолда “Насаф”нинг 100 фоиз чемпионлик учун курашаётганини қачон кўрамиз?
- Бу фақатгина мураббийларга ёки футболчиларга боғлиқ эмас. Ўзингиз ҳам яхши биласиз, олтин медалга курашиш учун жамоа ҳар томонлама тайёр бўлиши лозим. Молиявий, ташкилий жиҳатлардан ҳам етук бўлмоғи талаб этилади. Шунга қараб ўйинчиларни танлаш керак. Умид қиламанки, ҳали шу кунларга ҳам етиб келамиз. Ҳозир эса ёшларимизнинг тажрибаларини ошириб бораверсак, вақти келиб бизда ҳам шундай имконият бўлади.
- “Насаф”нинг эришаётган натижасига диққат билан эътибор берсак, у сўнгги лаҳзага келибгина бронзага эгалик қилаётгани йўқ. Ҳар йили жамоангизнинг чемпионлик учун курашда яхшигина имконияти борлигини кўрамиз. Лекин охирига бориб бронза билан кифояланиб қолмоқда. Доим фаворитлар қаторида тилга олинади. Айтмоқчиманки, клуб учинчи ўринга кўтарилмаяпти, аксинча ушбу ўринга тушиб қоляпти.
- Барқарорлигимизнинг асосий сабаби шуки, инфратузилмамиз яхши шароитда. Кейин энг муҳим нарса шуки, жамоамизда ажойиб муҳит яратилган. Футболчиларга нимани талаб қилаётганимизни тушунтириб боряпмиз. Улар билан доим бир мақсад йўлида бирлашяпмиз. Эришаётган натижаларимизга сабаб айнан шу бўлмоқда. Агар янада каттароқ мақсад учун курашадиган бўлсак, унда бизга маҳоратли ўйинчилар зарур. Бундай ўйинчилар ҳар бир мураббийга керак. Лекин имкониятимиздан келиб чиққан ҳолда иш юритяпмиз. Кучли футболчиларни йиғиш, бундан-да кучли жамоага эгалик қилишни мен ҳам хоҳлайман. Лекин ҳозир бунга имкониятимиз етмайди. Қолаверса, охирги пайтларда бизни қийнаётган муаммо шуки, таркибимизда бир хил савиядаги футболчилар етарли даражада эмас. Эътибор берган бўлсангиз, бу йил деярли 15 нафар ўйинчимиз асосий таркибда ўйнашди. Захирамиз эса сал кучсизроқдек. Асосий таркибдан кимдир жароҳат олиб ёки бошқа сабаб билан ўйнай олмаса, бу кейинги учрашувда бизга муаммолар келтириб чиқаряпти. Агар иккита тенг кучли таркибга эга бўлганимизда ишларимиз бир мунча енгиллашган бўларди.
- Ҳар бир мураббийга яхши футболчилар керак дея тўғри гапни гапирдингиз. Бу ҳозирги замон талаби бўлиб қолди. Мураббийлар имкони қадар савияли ўйинчилар билан ишлашни исташмоқда. Бунинг оқибатида мураббийлар футболчилар билан илтимос тариқасида ишлаётгандек тасаввур пайдо бўлмоқда.
- Иккаласи бир-бири узвий боғлаган ҳолда иш олиб боришлари лозим. Бу қандай вазифа қўйилишига боғлиқ. Агар раҳбарият катта мақсадларни қўйса, албатта шунга яраша футболчиларга эхтиёж сезилади. Табиийки, мураббий ҳам шунга яраша бўлиши керак. Лекин бугунги футбол шуни кўрсатяптики, ҳар қандай мураббийга ҳам барибир кучли футболчилар зарур. Масалан, Карло Анчелотти, Жозе Моуриньо ёки Луи Ван Галл жаҳоннинг энг кучли мураббийлари саналади. Улар ҳам кучли футболчиларга эгалик қилишни исташяпти. Бундай ўйинчилар эса мураббийнинг ишини енгиллаштиради. Ёшларга тинмасдан уқтирадиган гапларни кучли футболчиларга кўп ҳам айтавермайсиз. Улар дарҳол тушунишади. Мураббий қанчалик кучли бўлмасин, қўйилган мақсад олий бўлса, унда албатта ўша мутахассисга ҳам кучли ижрочилар шарт.
- Ўтган йилнинг декабрь ойида сиз билан Қаршида кўришгандик. Ўша суҳбатдан кўп ўтмай Ўзбекистоннинг энг яхши мураббийи номига сазовор бўлгансиз. Бу сафар ҳам учинчи ўринни эгалладингиз ва бу сафар ҳам ана шу ютуққа эришишингизга ишонасизми?
- Мухлислар ва журналистлар ким энг яхшиси эканлигини аниқлашади. Асосий мақсадим ҳеч қачон энг яхшиси унвонига эришиш бўлмаган. Ҳар қандай ҳолатда ҳам ўз йўналишимизда ишлаб, футболчиларнинг камол топишида ўз ҳиссамизни қўшиш. Ўйлайманки, бунга эришдик. Аммо ҳозирги вазиятда энг яхши мураббий бўлиш ҳақида ўйлаётганим йўқ.
- Ўзингизга қолса, қайси мураббийни энг яхшиси дея айтган бўлардингиз?
- Бизда яхши мураббийлар кўп. Бу йил ёш ёки тажрибали мутахассисларимиз ўзларини яхши томонда кўрсата олдилар. Оддий қилиб айтганда, ҳурматга лойиқ ва ўз вазифасни сидқидилдан бажарадиган мураббийларимиз кўп. Уларнинг хар бири бунга муносиб.
- Сизнинг “топилмаларингиз”дан бири Фаррух Сайфиев бўлди. Кўпчилик уни терма жамоада тўп суришини кутмаганди. Унинг кашф этилиши ҳам бевосита сизга боғлиқ бўлди. Янги ёш ўйинчиларнинг терма жамоада ўйнаганидан кейин клубга қайтгач унда қандайдир ўзгаришлар сезилиши мумкин. Яъни, юриш-туришини назарда тутяпман. Бундай ҳолатни сезмадингизми?
- Ёш футболчиларда бу нарса озгина бўлса-да юз бериши мумкин. Фаррухни яхши биламан, унинг ақли жойида. Ажойиб ўйинчи бўлиб етишиш учун нималар қилиш кераклигини у билади. Бошида “Насаф” сафида тўп суришни бошлаганида камчиликлар кўп эди. Аслида ҳозир ҳам унинг ўйин томонидан муаммолари етарлича. Етук футболчи бўлишни истаса, ҳали кўп ишлаши керак. Лекин ўшанда Сайфиевни майдонга туширганимда қаршиликлар ҳам бўлди, кимгадир бу ишим ёқмади. Аммо уни тиришқоқ ва меҳнаткашлигини билардим. Фаррухнинг албатта терма жамоага ҳам ёрдами тегади. Миржалол Қосимов уни бежизга асосий таркибда тушираётгани йўқ. Ақли билан меҳнат қилишни яхши билади. Ҳар доим мураббийларнинг тактик усулларига мос тушади. Чунки у шошма-шошарлик билан эмас, балки ҳамма нарсани обдон ўйлаб ҳаракат қиладиган футболчи.
- Сайфиевни бошида асосий таркибга киритаётганингизда шундай гапларни эшитгандимки, у ўйнайдиган позицияда бошқа футболчи йўқ. Шу боис Бердиев уни бошланғич таркибга киритишга мажбур бўлмоқда деган гаплар бўлганди.
- Ҳа, бу тўғри. Ўзимга ҳам ушбу масала бўйича кўплаб саволлар беришарди. Лекин унинг имкониятини яхши билардим. Шу боис қўрқмасдан майдонга тушираверганман. Сайфиев ўзини оқлади деб ўйлайман. Аммо барибир рақобат бўлиши керак. Биласиз, у Шахрух Гадоев билан битта чизиқда ўйнайди. Бироқ жароҳат олгач, Фаррухга кўпроқ имконият беришни бошладим. Янги мавсумдан рақобатни янада кучайтиришимиз керак. Акс ҳолда ўсиш қийин бўлади.
- Илҳом Юнусовнинг клубдан кетиши ҳақидаги маълумотларга қандай жавоб берасиз?
- Кўплаб ўйинчиларимизнинг шартномалари тугаган. Уларни олиб қолиш раҳбаларга боғлиқ. Ҳеч кимни мажбур қилиб ўйната олмайсиз. Бизнинг йигитларимизга “совчи”лар бўлиши табиий ҳол. Раҳбарлар билан гаплашаман ва чиндан ҳам кейинги йилга мақсад жиддий бўлса, етакчиларимизни олиб қолишга ҳаракат қиламиз.
- Артур Геворкян масаласида нима дея оласиз?
- Ўйинимиз асосан Геворкянга боғлиқ. Ҳозир айтганимдек, етакчиларни жамоамизда сақлаб қолишга уриниб кўрамиз.
- Нима бўлган тақдирда ҳам кейинги йилда таркибда сезиларли ўзгаришларни кўрамиз экан-да?
- Ҳа, бунинг юз бериш эҳтимоли кўпроқ.
- Ундай бўлса, кўз остингизга олиб қўйган футболчилар ҳам борми?
- Албатта, сафимизда кўришни истаётган футболчиларимиз бор. Буни фақат раҳбарлар билан ҳал қила оламиз.
- Кейинги мавсум учун қандай режалар тузилди?
- Шу ойнинг охирида тиббий кўрикдан ўтишади ва 10 декабрдан тайёргарликни бошлаймиз. Унгача ОЧЛда нечта клуб қатнашиши маълум бўлиб қолса керак. Қолганини шунга қараб режалаштирамиз.
-“Насаф”нинг саралаш босқичида қатнашиш эҳтимоли бор...
- Тўғридан-тўғри гуруҳ босқичида ўйнашни хоҳлардик. Олтита ўйин ўтказиб натижа қандай бўлишини билмаймиз, лекин бу орқали жамоамиз катта тажрибага эга бўлган бўларди. Юрт шаънини муносиб ҳимоя қилишимиз лозим.
ФИРДАВСХОН суҳбатлашди.
![AMP Logo](https://championat.asia/image/logo-amp.png)
Комментарии