Рўзиқул Бердиев: "Легионерларимиз келгусида бунданда кучли ўйин намойиш этишади"

Рўзиқул Саъдуллаевич қуйидаги фикрларни билдириб ўтди.
 
- Жамоамиз бугунги учрашувда “Шўртан”га нисбатан ҳар томонлама яхши ўйин намойиш этишди. Биз рақибимиздан бугун шиддатлироқ ўйин кутгандик, аммо биз кутгандек бўлмади. Шунинг учун биз бугун йирик ҳисобда ғалаба қозондик. Футболчиларимиз кўрсатмаларимизни тўлиқ бажаришди, бунинг учун уларга раҳмат айтаман. Бугунги учрашувда Қаршидан ташриф буюриб, бизни қизғин қўллаб-қувватлаган мухлисларни ҳам ғалаба билан табриклайман ва уларга катта ташаккур билдираман.
 
Албатта, легионер футболчиларимиз ҳали ўйинга тўлиқ тайёр эмаслар, шунданда улар ўйинда баъзи бир хатоларга йўл қўйишди. Лекин умумий олиб қараганда, биз сафимизга кучли футболчиларни қўшиб олдик. Уларни ўйинидан ҳам бу кўриниб турибди. Ўйлайманки улар бундан кейинги ўйинларда, бугунгидан ҳам кучли ўйин намойиш этишади. Биз жамоамиз ўйинини кучайтириш мақсадида ушбу ўйинчиларни жамоамиз сафига қўшиб олганмиз.