Рўзиқул Бердиев: “Бугунги ғалабамизни мухлисларимизга бағишлаймиз”

-Аввалом бор бугунги учрашувда бизни қўллаб-қувватлаган мухлисларимизга ва уларнинг табриклари учун ўз ташаккуримни билдирмоқчиман.

Бугун биз “Навбаҳор”га нисбатан ҳар жабҳада устунлик қилдик ва бунинг эвазига мана шундай ғалабани қўлга киритдик. Мухлисларимизни бугунги ғалаба билан хурсанд қилганимиздан мамнунмиз. Футболчиларимизга ҳам алоҳида раҳмат айтаман. Биз ҳар доим ўйинчиларимизга шундай эркин ва ҳамжиҳат бўлиб ўйнашни уқтирамиз, улар бугун бу вазифани ажойиб тарзда адо этишди.

Бугун футболчиларимиз,  агар мени хурсанд қиламиз деб, ўйнашган бўлишса, бунинг учун ҳам уларга раҳмат айтаман. Албатта хурсанд бўлдим. Аммо шахсан ўзим бугунги ғалабамизни жамоамиз мухлисларига бағишлаган бўлардим. Барча мухлисларимизга яна бир марта раҳмат.