Россия. 10-тур анонси. Ҳамюртларимиз тўқнашуви, Москва дербиси ва пешқадамлар "жанги"

championat.asia мазкур тур анонсини тақдим этади.

Тур Тула шаҳрида "Арсенал" ва "Уфа" клублари ўртасидаги баҳс билан бошланади. Мусобақа жадвалининг сўнгги поғоналарида бораётган жамоалар ўртасидаги баҳс бемалол "6 очко" учун деб айтиш мумкин.

Виталий Денисов ўйнаётган "Крилья Советов" эртага ўз майдонида Москванинг "Динамо" клубини қабул қилади. 7 очко билан 16та клуб орасида 15-ўринда бораётган самараликлар охирги учта турда уч марта мағлуб бўлди. "Крилья Советов" 9та турда атига 3та гол уришга эришди.

Бу тур Россияда ўзбекистонлик футболчилар тўқнашуви бўлиши мумкин Элдор Шомуродов фаолият олиб бораётган "Ростов" ўз уйида Вадим Афонин тўп тепаётган "Оренбург"ни қабул қилади. Валерий Карпин шогирдлари айни пайтда 18 очко билан учинчи ўринда боришмоқда. Афонин жамоаси эса 8-поғонадан жой олган.

Россия премьер-лигасида энг кўп очко тўплаган икки клуб бу тур ўзаро тўқнаш келишади. Санкт-Петербургнинг "Зенит" клуби ўз уйида "Краснодар"ни қабул қилади. Семак жамоаси биринчи, Мурад Мусаев шогирдлари иккинчи ўринни эгаллаб туришибди.

Ушбу турда Москвада пойтахт дербиси бўлиб ўтади. Европа чемпионлар лигасида сенсацион тарзда "Реал"ни мағлуб этган ЦСКА ЕЧЛда "Шальке"га ютқазган амалдаги Россия чемпиони "Локомотив"ни қабул қилади.

ЦСКА ҳужумчиси Фёдор Чалов 7та гол билан айни пайтда тўпурарлар пойгасида якка пешқадам бўлиб турибди.


Россия. 10-тур жуфтликлари
5 октябрь
21:30 - АРСЕНАЛ - УФА

6 октябрь
16:00 - КРИЛЬЯ СОВЕТОВ - ДИНАМО
18:30 - РОСТОВ - ОРЕНБУРГ
21:00 - РУБИН - УРАЛ

7 октябрь
13:30 - ЕНИСЕЙ - СПАРТАК
16:00 - АХМАТ - АНЖИ
18:30 - ЗЕНИТ - КРАСНОДАР
21:00 - ЦСКА - ЛОКОМОТИВ