Роналду: "Ортга қайтишнинг иложи бўлса, у билан бирга ўйнаган бўлардим"

«Ҳаёлимда мен бирга ўйнашни хоҳлайдиган кўплаб ўйинчилар бор. Бироқ, мен бир неча йил олдин оламдан кўз юмган ҳамюртим Эйсебиони танлайман. У Португалия тимсолларидан бири ҳисобланади. У ажойиб инсон бўлган ва мен Эйсебио билан терма жамоада бирга тўп тепишни истаган бўлардим», – дейди 34 ёшли футболчи. 

Маълумот ўрнида, Эйсебио 1965 йили «Олтин тўп» совринини ва 1968 (42 гол), 1973 (40 гол) йилларда эса "Олтин бутса"ни қўлга киритган. У футболчилик фаолиятини ҳужумда ўтказган. Португалиялик афсона 2014 йилнинг январида 71 ёшида бу оламни тарк этганди.