“Рома” футболчиси “Байер”га ўтадиган бўлди

“Рома” ҳужумчиси Патрик Шик фаолиятини “Байер” клубида давом эттиради. Бу ҳақида журналист Жанлука ди Марцио хабар бермоқда.

Қайд этилишича, Леверкузен клуби Шик трансфери учун римликларга 27 млн евро тўлайди. Шунингдек, келишувдан бонуслар ва футболчи агарда қайта сотиладиган бўлса маълум бир улуш ҳам “Рома”га берилади.

Маълумот учун, Шик 2019/20 йилги мавсумни ижара асосида “Лейпциг”да ўтказди. У “буқалар” сафида 28 та ўйинда 10 та гол урди.