Роберт Гай: "Динамо"га бугун очиқчасига омад кулиб боқди"

- Албатта бугун чемпионатдаги илк ғалабиизни танътана қилишни хоҳлаган эдик. "Динамо"га бугун омад очиқчасига кулиб боқди. Бу жамоа ҳисоб 2:1 кўринишга келганидан сўнг ҳам ўз иродасини кўрсатиб ғалабани илиб кетди. Олдинги чизиқда гол уришимиз учун аниқлик етишмади. Нима ҳам дердик, ҳаёт давом этади.

- "Динамо" бугун асосан қарши ҳужум тактикасида ўйнашини кутгандик. Таркибига эътибор қаратадиган бўлсангиз асосан ҳимоявий таркибни кўриш мумкин. Ўтган йили "Динамо" таркибида ўйнаган иккита асосий футболчиси тушмади. Умуман айтганда Самарқанд жамоасини ҳавфли эканлигини билардик. Тезкор футболчиларга эга. Кутганимиздек учрашувнинг 9-дақиқасидаёқ улар ҳисобни очишга эришди.

- Жавоб тўпини киритиб ҳисобда олдинга чиқиб олганимиздан кейин эса ҳимоядаги иккита ҳато эвазига ғалабани қўлдан бой бердик.

- Ҳужумчиларимиз ёмон ўйнашмаяпти. Фақат уларга гол уриш учун тажовузкорлик етишмаяпти.

- Кейинги ўйинларга энди янада жиддий тайёргарлик кўриш талаб этилади.

Исломбек Рустамбеков ёзиб олди.