"Реал" афсоналаридан бири футбол билан хайрлашди
06 фев 17:10
Новости

"Реал" афсоналаридан бири футбол билан хайрлашди

"Реал" ва Бразилия терма жамоаси собиқ ҳимоячиси Марсело бутсаларини "михга илиш"га қарор қилди.

36 ёшли чап қанот ҳимоячиси "Реал" сафида 15 йил ўйнади (2007-2022 йиллар). У Мадрид клубида 546 та ўйинда майдонга тушиб 38 та гол урди ва 103 та голли узатмани амалга оширди.

Марсело "Реал" билан бирга 25 та соврин ютди, улар орасида бешта Чемпионлар лигаси кубоги ҳам бор.

Футболчининг фаолиятидаги сўнгги клуби Бразилиянинг "Флуминенсе" клуби бўлди. Бу жамоада ҳимоячи Либертадорес кубогини қўлга киритди.

Бразилия миллий терма жамоаси сафида Марсело 58 та ўйинда майдонга тушиб, 6 та гол урган. Терма жамоа билан 2013 йилги Конфедерациялар кубогини қўлга киритди.