Расмий хабар: "Навбаҳор"ни уч футболчи тарк этди
03 дек 2018 11:45
Новости
![](https://championat.asia/upload/storage/465565_original.jpg)
![](/upload/storage/465565_220.jpg)
Расмий хабар: "Навбаҳор"ни уч футболчи тарк этди
Томислав Пайович, Дарко Станоевич ва Дарко Никач жамоани расман тарк этишди. Бу ҳақда "Навбаҳор" бош мураббийи Андрей Канчельскис клуб матбуот хизматига маълум қилди.
"Бу йил жамоада Сербия ва черногориялик футболчилар тўп суришди. Мазкур ўйинчилар 27 ноябрь куни ўз буюмларини йиғиштириб, жамоани тарк этишди. Таркибда кам ўйинчиси бўлган клуб сафини 2-3 нафар ўйинчи тарк этса, бу жуда билинади.
Жамоага фақат пул учун келадиган хорижликлар бизга керак эмас.
Барчамиз ҳам пул топишни истаймиз. Лекин бунинг учун шунга яраша меҳнат қилиш лозим.
Айрим футболчилар кичик жароҳат билан ҳам майдонга тушиб, клуб шаъни учун тўп суришди. Дарко Станоевич эса жароҳатим бор, дея кўплаб ўйинларни ўтказиб юборди.
Уч нафар легионер, яъни ҳимоячилар – Томислав Пайович ва Дарко Станоевич ҳамда ҳужумчи Дарко Никач жамоани расман тарк этишди", - дейди Канчельскис.
Маълумот учун, бу мавсум Станоевич 25та ўйинда 2та гол урди, Пайович 17та учрашувда 1та тўп киритди, Никач 10та баҳсда майдонга тушиб 2та гол урди.
Похожие новости
![AMP Logo](https://championat.asia/image/logo-amp.png)
Комментарии