Расман: "Турон" бош ҳомийсиз қолди

Бир неча соат олдин сайтимиз орқали клуб бош ҳомийси  "Turon Eco Cement" клуб ҳомийлигидан кетиш арафасида эканлиги ҳақида маълум қилган эдик. Бизга етиб келган маълумотларга кўра, бугун тушликда клубда йиғилиш ўтказилган ва унда бу ҳақида маълум қилинган. Футболчи ва мураббийларга ўзларига бошқа жамоа топиши мумкинлиги айтилган.  Шундан сўнг "Турон" бош мураббийи Денис Бушуев инстаграм саҳифасида клубга миннатдорчилик билдирган ва билишимизга қараганда у ўз юртига жўнаб кетмоқда. Жамоа футболчиларининг кўпчлилиги клуб қароргоҳини тарк этган ва фақат маҳаллий футболчилар қолган.

 "Turon Eco Cement" эса расман клуб бош ҳомийлигидан чиққан. Аммо бу дегани клубнинг фаолияти тугатилганини англатмайди. Бу ҳозирча аниқ эмас.  Агарда "Турон" ўзига бошқа хомий топа олса, Фарғона вилояти ҳокимлигидан кўмак бўлса фаолиятини давом эттириши мумкин. Лекин бу ҳали сўроқ остида.