Расман: Серхио Рамос Мексика клубига ўтди
07 фев 11:05
Новости

Расман: Серхио Рамос Мексика клубига ўтди

Мексиканининг «Монтеррей» клуби испаниялик ҳимоячи Серхио Рамоснинг трансферини эълон қилди.

38 ёшли Рамос эркин агент сифатида клуб билан бир йиллик шартнома имзолади. 2024 йил июнь ойида Рамос «Севилья»ни тарк этган ва клубсиз эди.

— Серхионинг келиши — унинг эришган ютуқлари ва дунё миқиёсидаги машҳурлиги туфайли клубимиз тарихидаги ўзгача лаҳза, — дейилади Мексика клуби хабарида.

Рамос Мадриднинг «Реал» клубида 5 марта Испания чемпиони бўлган ва 4 марта Европа чемпионлар лигасини қўлга киритган. Бундан ташқари ПСЖ сафида икки бор Франция чемпиони бўлган.

Футболчи янги клуби сафида 93-рақамда ўйнайди.