Расман: Игало "Манчестер Юнайтед"да қолади
01 июн 2020 16:08
Новости

Расман: Игало "Манчестер Юнайтед"да қолади

Англиянинг "Манчестер Юнайтед" клуби ҳужумчи Одион Игало жамоа сафида тўп тепишда давом этишини эълон қилди.

30 ёшли нигерияликнинг "Шанхай Шеньхуа"дан ижараси 2021 йилнинг 31 январига қадар узайтирилди.

Клуб бош мураббийи Оле-Гуннар Сульшер бу борада шундай деди: "Улар ("Шанхай Шеньхуа") Игало ўзининг орзусидаги жамоада тўп тепиши учун имкон бериш мақсадида биз билан ажойиб муносабатда бўлишди. Бу унинг орзуси эди. Умид қиламан у биз билан бошлаган ишини ниҳоясига етказади ва биз билан соврин қўлга киритади".

2020 йилнинг январь ойи охирида МЮ Игалонинг 31 майгача мўлжалланган ярим йиллик ижараси учун 3 млн фунт тўлаган. Ўйинчининг ўзига эса ҳафтасига 130 минг фунт маош берган.

Игало "Қизил иблислар" сафида 8 ўйинда иштирок этди ва 4та гол уриб, битта голли пас берди.

Ссылка :

Источник : manutd.com

Получайте новости прямо в Telegram!

Рейтинг: +7